METRO MANILA – Matapos pirmahan ni Pangulong Rodrigo Duterte nitong Hunyo ang Supreme Court (SC) ruling on the Mandanas-Garcia, magsasagawa ng series of orientations and workshops ang Department of the Interior and Local Government (DILG) sa mga lokal na pamahalaan bilang paghahanda sa full devolution next year.
Ang full devolution ay ang paglilipat ng basic services sa mga pamamahala ng mga LGU gayundin ang pamamahagi ng sapat na pondo sa mga lokal na pamahalaan mula sa national taxes.
Layunin ng workshops na matutukan ang mga Local Government Unit(LGU) sa paggawa at paghahanda ng kani-kanilang Devolution Transition Plans (DTPs) na magsisilbing pamantayan sa performance assessment ng mga lokal na pamahalaan alinsunod sa Executive Order (EO) No. 138.
“We will coach and guide LGUs every step of the way to ensure that they are ready for full devolution starting with their preparation of DTPs.” Ani DILG Secretary Eduardo M. Año.
Samantala, nagsimula na ngayong linggo ang regional orientations for DILG Provincial Devolution Core Teams (DCTs), Provincial Devolution Transition Committees (DTCs), City and Municipal DTCs upang talakayin ang prescribed components, processes, at mechanisms para sa preparasyon ng LGU DTPs.
(Kyle Nowel Ballad | La Verdad Correspondent)
Tags: DILG
METRO MANILA – Hinikayat ng DILG ang mga Local Governments Units (LGUs) na i-update ang kanilang disaster action plans at hazard maps para sa pagpasok ng La Niña phenomenon.
Ayon kay DILG Undersecretary Marlo Iringan, kinakailangan na regular na magdaos ng pagpupulong ang mga lokal na opisyal at magsagawa ng la nina pre-disaster risk assessment.
Nanawagan din ito ng agresibong paglilinis ng Estero at daluyan ng tubig upang maiwasan ang mga pagbaha bilang bahagi ng mitigation measures sa ilalim ng operation listo ng ahensya.
Kinakailangan din na masuri ang integridad at kapasidad ng mga evacuation center at huling opsyon na lamang ang paggamit ng paaralan.
Nauna ng inatasan ni Pangulong Ferdinand Marcos Jr. ang mga LGU na maghanda sa paparating na La niña sa kabila pa rin ito ng nararanasang El niño ng bansa.
METRO MANILA – Binuo ni Pangulong Ferdinand Marcos Junior ang isang special committee na tututok sa pagtatanggol at pagpapalakas sa karapatang pantao sa bansa.
Batay sa Administrative Order (AO) Number 22 na nilagdaan ni Executive Secretary Lucas Bersamin nitong May 8, nakasaad na pamumunuan ang komite ng nabanggit na opisyal at ni Justice Secretary Crispin Remulla bilang Co-Chair nito.
Magiging katuwang nila ang mga kalihim ng Department of Foreign Affairs (DFA) at ng Department of the Interior and Local Government (DILG).
Isa sa pangunahing tungkulin ng komite ang mag-imbestiga, kumuha ng datos hinggil sa mga hnihinalang human rights violations ng law enforcement agencies at makipagtulungan sa private sectors.
METRO MANILA – Nagbigay na ng direktiba si Pangulong Ferdinand Marcos Junior sa Department of the Interior and Local Government (DILG) at mga law enforcement agency na palakasin ang kampanya laban sa mga umaabuso sa mga kabataan.
Ikinabahala kasi ng pangulo ang online sexual abuse o exploitation of children at child sexual abuse o exploitation materials sa bansa, partikular na sa Cagayan De Oro, Iligan at sa Taguig City.
Tiniyak naman ng Philippine National Police na gagawin ang lahat ng paraan para matukoy ang mga nagpapatakbo ng ilegal na gawain na ito kahit na may hamon sa paggamit ng teknolohiya.
Tags: Child Online Abuse, DILG, PBBM
