METRO MANILA – Binigyang-diin ng Department of Environment and Natural Resources (DENR) na prayoridad nilang mapataas ang kalidad ng tubig sa Manila Bay bago muling buksan ang Dolomite Beach sa Roxas Boulevard, Manila.
Ayon kay DENR Undersecretary for Policy, Planning and International Affairs Jonas Leones, target ng ahensya na malinis ng mabuti ang tubig sa Manila Bay upang posible at ligtas na mapagliguan ng publiko sa hinaharap bukod sa pagbisita sa Dolomite Beach.
Dagdag ni Leones, pangungunahan ng Manila Bay Task Force (MBTF) ang pagsasaayos ng drainage system sa Manila Baywalk kung saan plano nilang ilihis ang mga wastewater na nanggagaling sa mga kabahayan at pabrika papunta sa naturang drainage system habang floodwater naman ang padadaluyin gamit ang 400 meters long na HDPE (high density polyethylene) mula sa sea wall.
Kasabay din nito ay ang pagsasaayos ng parte ng Dolomite Beach Rock Garden na may mataas na fecal coliform level ayon sa kanilang Environmental Management Bureau-National Capital Region (EMB-NCR).
As of October 25, aabot na sa 22,000 mpn per 100 milliliters (MPN/100ml) ang coliform level sa Dolomite Beach habang 100 MPN/100 ml ang standard level para madeklara itong ligtas na pagliguan.
Ito ay di hamak na mas malaking pagbabago kumpara sa millions o billions na coliform level bago ang rehabilitasyon ng Manila Bay.
Inanunsyo din ng kalihim na mananatiling sarado sa publiko ang Manila Baywalk Dolomite Beach dahil sa nakatakdang pagsisimula ng Phase 2 rehabilitation nito. Maaari namang mabisita ang labas na parte ng beach sa ilalim ng mga tuntuning ilalabas ng MBTF upang maiwasan ang overcrowding.
Ilan pa sa mga plano para sa Phase 2 rehabilitation ng Dolomite project ay ang paglalagay ng beach and fishing area malapit sa Manila Yacht Club bilang palaruan at paliguan sa mga kabataan at ang pagtatayo ng dalawang solar-powered comfort rooms, mandamus office, souvenir hub at mga pailaw sa kahabaan ng Manila Baywalk na planong makumpleto lahat ngayong taon.
(Rachel Reanzares | La Verdad Correspondent)
Tags: DENR, manila bay
METRO MANILA – Nagbabala ang Department of Environment and Natural Resources (DENR) na posibleng magkaroon ng kakulangan sa supply ng tubig kung hahaba ang epekto ng El Niño sa bansa.
Ayon sa Water Resources Management Office ngayon palang ay kailangan nang magtipid ng tubig kung ayaw matulad sa water crisis noong 2019.
Paliwanag ni DENR Undersecretary Carlos Primo David, sa Hunyo ay posibleng bumaba sa 180 meters ang lebel ng tubig sa Angat dam na siyang minimum operating level nito.
Sa ngayon ay mahigit pa sa 213 meters ang imbak nitong tubig na mas mataas na sa normal high water level.
May mga bagong treatment plant anila na itinayo sa Laguna lake na inaasahang malaki ang maitutulong kapag bumaba ang lebel ng angat dam.
Kumpyansa ang Maynilad at Manila Water na hindi magkakaroon ng krisis sa tubig sa susunod na taon.
Inaasahan din anila na sa kalagitnaan ng taon ay magkakaroon narin ng mga pag-ulan.
METRO MANILA – Nagpahayag ng pagsang-ayon at pagsuporta ang Climate Change Commission (CCC) hinggil sa paggamit ng Waste-To-Energy (WTE) Technologies na pawang “pro-environment activities and investments” na maaaring tumugon sa problema ng bansa patungkol sa klima.
Binigyang-diin ni CCC Commissioner Albert Dela Cruz ang halaga ng pagbibigay pansin sa environmental issues kaugnay ng malalang weather condition ng Pilipinas kung saan aabot sa mahigit 20 bagyo kada-taon ang tumatama.
Dagdag pa niya, ang bansa ay mayroong warm seas dahil malapit ito sa equator kung saan nabubuo ang bagyo.
Pinasinayaan naman nitong July 14 ang bio-methanation and thermolysis machine sa Pagsanjan, Laguna.
Naglalayon itong matugunan ang proper waste disposal. Kaugnay ang naturang aktibidad sa green transition ng landfill gamit ang WTE Technologies na siyang inendorso ng Department of Environment and Natural Resources (DENR).
Nitong Pebrero naman, nauna nang nagpasa ng Panukalang Btaas si Senate President Juan Miguel Zubiri na naglalayong magsagawa ng National Energy Policy and Regulatory Framework for Facilities gamit ang WTE Technologies na maaaring maging solusyon sa solid waste management problems.
(Joram Flores | La Verdad Correspondent)
Tags: Climate Change Commission, DENR
METRO MANILA – Nais tutukan ng administrasyong Marcos ang reforestation o pagtatanim ng mga puno.
Kaugnay nito, nasa hanggang 2 milyong ektaryang lupa ang planong taniman ng Department of Environment and Natural Resources (DENR).
Bahagi ito ng napag-usapan ni DENR Secretary Maria Antonia Yulo-Loyzaga at Pangulong Ferdinand Marcos Junior tungkol sa pagkakaroon ng epektibong programa at pangangalaga sa kalikasan.
Ayon sa kalihim, kailangan ng katulong ng gobyerno para muling mabuhay ang mga kagubatan sa bansa.
Sa pulong sa malakanyang nitong June 27, ipirinirisinta ng kagawaran kay PBBM ang bagong national natural resource Geospatial Database Office (GDO) na tutukoy sa mga likas na yaman ng Pilipinas tulad ng lawak ng kagubatan ng bansa at river basins sa tulong ng satellite imagery.
