MANILA, Philippines – Nanindigan si Independent Health Advocate Dr. Anthony Leachon na hindi solusyon ang Dengvaxia Vaccines sa dengue outbreak sa bansa.
“Hindi mo ibibigay ang dengvaxia kasi lamok ang problema so tanggalin mo ang lamok, iyan ang dapat gawin lahat ng tao. Maglinis ng kapaligiran.” ani Independent Health Advocate Doctor Anthony Leachon.
Ayon kay Leachon, isa sa dahilan kung bakit dumarami ang dengue sa Pilipinas ay dahil isa tayo sa itinuturing na pinakamaruming bansa sa asya dahil sa dami ng mga basurang naiipon at hindi nadi- dispose ng maayos.
“Kasi hindi siya silver bullet na life and death situation. Ang kailangan natin iyong ginagawa ni Mayor Isko Moreno right now, iyong paglilinis ng mga kalye, mga brgy, mga basura kasi pabalik- balik na e.” ani Independent Health Advocate Doctor Anthony Leachon.
Dagdag pa ni Doctor Leachon na hindi makatuwiran ang panukala ng ibang eskperto na muling gamitin ang dengvaxia vaccines sa pilipinas upang maagapan ang pagdami pa ng dengue cases.
Ito ay dahil hindi pa rehistrado at wala pa ring malinaw na pruweba na makatutulong ito upang hindi na magkaroon ng dengue ang isang indibidwal.
“Huwag tayong padalos- dalos, maraming masakit na lessons na natutunan tayo and to rush this again to the market may actually hurt us again. At maraming maraming mga bata 800,000 kids ang nag- suffer and their families. Hindi ba natin ikokonsidera iyon?” ani Independent Health Advocate Doctor Anthony Leachon.
Panawagan ni Leachon dapat pag-aralang mabuti ng pamahalaan ang apela na muling gamitin ang Dengvaxia Vaccines upang huwag ng maulit ang kontrobersiyang idinulot ng paggamit ng naturang bakuna sa mass immunization program noong nakaraang administrasyon.
(Aiko Miguel | Untv News)
Tags: dengue outbreak, Dengvaxia vaccine
MANILA, Philippines – Hindi na pinaboran pa ng Deparment of Health (DOH) ang apela ng French Pharmaceutical Giant Sanofi Pasteur na baliktarin ang desisyon ng Food And Durg Administration (FDA) na muling magamit ang Dengvaxia Vaccine sa bansa.
Nanatili aniyang “ revoked” ang Certificate of Product Registraton ng Dengvaxia sa Pilipinas dahil kulang ang mga dokumentong isinumte ng Sanofi
Kailangan aniyang makapagsumite ang Sanofi ng mga post- marketing commitments na hindi nila naisumite dahil pruweba ang mga dokumentong na ligtas sa kalusugan ng tao ang Dengvaxia
Feb. 2019 nang kanselahin ng DFA ang CPR ng Dengvaxia dahil sa panibagong desisyon ng DOH nitong Augsut 19 lalabas na hindi na nga pwedeng gamitin ang Dengvaxia sa mass immunization at ibigay sa mga Pilpipino kontra dengue .
(Aiko Miguel | UNTV News)
Tags: dengue, Dengvaxia vaccine, Sanofi Pasteur
MANILA, Philippines – Maglalabas ng desisyon ang Department of Healh (DOH) sa August 19 kung muling gagamitin o hindi ang Dengvaxia Vaccines sa bansa.
Ayon sa DOH hindi naman ito agad agad na magagamit sakaling positibo ang magiging resulta ng pag-aaral ng mga eksperto sa naturnag bakuna.
Dadaan aniya ito sa mahabang proseso bago ito mabigyang ng Cetificate of Product Registration (CPR) mula sa Food and Drug Administration (FDA). Ito ay dahil may re-labeling at pagpapalit ng indikasyon sa naturang bakuna.
Matatandaang pebrero nitong taon, na- revoke ang CPR ng dengvaxia sa bansa dahil kulang ang mga dokumetong isinumite ng French Pharmaceutical Company na Sanofi Pasteur na mga dokumento upang mairehistro ito sa bansa .
Noong nakaraang linggo, humiling ang Sanofi sa DOH na muling ikonsidera ang paggmit ng Dengvaxia sa bansa.
“Meron din tayong national immunization council, sila ang nag-aaral at nagde-decide kung ano iyong kasama sa ating immunization program and this can also be convened kung sakaling kakailanganin” ani DOH Spokesperson, Usec Eric Domingo.
Samantala, tumaas pa ang kaso ng dengue sa bansa batay sa pinakahuling tala ng DOH.
Batay sa tala ng ahensya, mahigit 167,000 dengue cases sa Pilipinas mula Enero hanggang Hulyo ngayong taon. Umabot na rin sa 661 ang nasawi dahil sa dengue.
Ayon sa DOH doble ang itinaas ng kaso ng dengue ngayong taon kung ikukumpara sa naparehas na panahon noong nakaraang taon. 10 rehiyon na rin ang kasama sa Dengue Epidemic Treshold.
Kabilang dito ang CALABARZON, MIMAROPA, Central Visayas, at BARMM. Nasa alert treshold naman ngayon ang Ilocos at National Capital Region
“Iyong dengue season natin kasi kahit na right after na matapos ang rainy season mayroon pa rin tayong mosquitoes. So we are expecting the cases na talang peak natin August, September, October hanggang November minsan ang mag- start pa lang decrease ng December” ani DOH Spokesperson, Usec Eric Domingo.
(Aiko Miguel | Untv News)
Tags: Dengvaxia vaccine, DOH
MANILA, Philippines – Patuloy pa rin ang paglobo ng kaso ng dengue sa bansa na umabot na sa mahigit 130,000 ang naapektuhan mula Enero hanggang kalagitnaan nitong Hulyo ayon sa Department of Health (DOH).
Halos doble na ito ng naitalang kaso sa kaparehong mga buwan noong 2018.Habang mahigit 500 na ang namatay dahil sa dengue ngayong taon.
“Dumadami pa rin ang cases natin and nag-activate naman na tayo ng regional health clusters ng ndrrmc.” ani DOH Spokesperson Undersecretary Eric Domingo.
Sa ngayon ay nananatiling nakataas ang national dengue alert dahil patuloy na nadaragdagan ang mga lugar na nakararanas ng dengue epidemic level.
Kabilang dito ang Western Visayas, Calabarzon, Socksargen, Northern Mindanao, Central Visayas at National Capital Region.
Isa na ring global health issue ang dengue ngayong 2019 dahil sa cycle ng dengue virus infection na lumolobo ang bilang tuwing 3 taon.
“2019 worldwide is really shaping up to be with one those high burden years for dengue.” ani DOH Spokesperson Undersecretary Eric Domingo.
Samantala ngayong Biyernes (August 2), pupulungin ng DOH ang kanilang mga opisyal sa labibngpitong rehiyon upang matiyak na kontrolado at natutugunan ang problema sa dengue.
Paala ng doh, huwag nang hintaying pamugaran ng mga lamok na nagdadala ng dengue virus ang mga nakatenggang tubig sa paligid.
Panatilihing malinis ang kapaligiran at unahing bigyan ng proteksyon ang mga kabataan.
(Aiko Miguel | Untv News)
Tags: dengue outbreak, DOH, Philippines
