“ Ayoko! Mayabang siya, mag number 2 muna sya! Tsaka na kapag number 2 na sya!”
Ito ang sagot ni Davao City Mayor Rodrigo Duterte sa hamon ni LP Standard Bearer Mar Roxas sa isinagawang dialogue with the media dito sa Davao City
Giit pa ng PDP Laban Presidential Candidate mas nais niyang pagtuunan ng pansin ang mga isyu ng bansa at ang pagpaplano ng pagpapatupad ng kanyang mga plataporma, kesa ang hamon na debate ni Roxas.
Ayon sa alkalde ang pagsugpo ng krimen ang dapat na manguna sa lahat lalo na ang mga krimeng may kinalaman sa droga at saka nito isusunod ang peace processes.
Layunin din diumano ni Duterte na dagdagan ang security forces ng gobyerno ng mahigit kumulang sa 3,000 hanggang 4,000 ka tao, maging Scout Rangers or Special Forces, bilang inisyatibo at kontribyuson nito sa laban ng sambayanan kontra terorismo.
Patungkol naman sa spratly’s, ayon kay Duterte ang lahat ng pag-uusap, maging multilateral or bilateral, ay magsisimula sa agenda na ang spratly’s ay sa Pilipinas.
Ang lahat ng ito ay sa kabila di umano ng kasong diskwalipikasyon laban sa kanya.
(Joeie Domingo/UNTV News)
Tags: Davao City Mayor Rodrigo Duterte, debate, LP Standard Bearer Mar Roxas
