Maagang nagtipon-tipon kanina sa Times Street, Quezon City ang mga taga suporta at ilan sa naging miyembro ng gabinete ng Administrasyong Aquino.

Ito ay upang i-welcome si dating Pangulong Benigno III sa kanyang paguwi sa kanyang pribadong tahanan matapos ang halos anim na taon ng kanyang pamamalagi sa bahay pangarap sa malakanyang sa panahon ng kanyang panunungkulan.

Kabilang sa mga dumalo sa homecoming party ng dating pangulo ang ilang outgoing secretaries tulad na lamang nila, Department of Transportation and Communication Secretary Joseph Emilio Abaya, DSWD Secretary Dinky Soliman, DePed Secretary Armin Luistro at OPPAP Secretary Teresita-Ging Deles.

Naroon rin upang sumalubong ang ilan sa masusugid na taga supporta ng mga Aquino, ang mga singer na sina Leah Navarro,Jim Paredes at Noel Cabangon.

Pasado alas onse ng umaga nang makauwi sa kanilang bahay si Aquino

Ayon sa dating pangulo, excited na siyang na maranasang muli ang mamuhay ng pribado.

Sa pagharap ni Aquino sa kanyang mga taga-suporta kanina, ibinida nito ang dalawa sa kanyang mga huling-accomplish ng administrasyon.

August 2010, nang lisananin ni aquino ang kanyang tahanan sa 25th times street, upang lumipat sa bahay pangarap sa malakanyang at duon namalagi sa loob ng anim na taon ng kanyang panunungkulan bilang pangulo ng bansa.

(Joan Nano / UNTV Correspondent)

Tags: Dating Pangulong Benigno Aquino III, ga taga-suporta at ilang naging miyembro ng kaniyang gabinete