Usong-uso ngayon ang online selling o pagbebenta ng produkto gamit ang internet at social media.
Ngunit babala ang PNP Anti-Cybercrime Group, mag-ingat sa mga mapagsamantala.
Gaya ng naranasan ng online seller na humingi ng tulong sa ACG upang mahuli ang mga suspek na nanloko sa kanya, kwento ng biktimang si Anjanette. Naka-post sa facebook ang kanyang mga ibinibentang produkto gaya ng sapatos.
Nakadalawang order na aniya ang mga suspek sa kaniya, bago niya nabistong pinepeke pala ng mga ito ang resibo ng isang bangko at wala ring perang pumasok sa account niya bilang bayad.
Sa ikatlong order ng mga suspek na nagkakahalaga ng mahigit 72 libong piso, humingi na siya ng tulong sa PNP ACG upang mahuli ang mga ito.
Akmang kukunin na ng mga suspek ang kadedeliver lamang na produkto sa isang mall sa Cainta Rizal nang damputin sila ng mga otoridad. Pinadapa at agad na pinosasan ng mga tauhan ng PNP ACG ang mga suspek na sina John Edgar at Peter Edison Bartolome.
Paalala ng mga otoridad sa mga online seller na mag-ingat sa mga ganitong uri ng mga katransaksyon.
Sinampahan na ng PNP ACG ang mga suspek ng reklamong swindling at estafa.
Iniimbestigahan pa ng ACG kung paano napeke ng mga suspek ang resibo ng isang bangko.
( Lea Ylagan / UNTV Correspondent )
Tags: Anjanette, online seller, PNP-ACG
METRO MANILA – Makikipag-ugnayan na ang Philippine National Police- Anti Cybercrime Group sa Department of Information and Communications Technology (DICT) kaugnay sa sinasabing pagtatangka ng isang telecommunication company mula sa China na i-hack ang ilang government website sa bansa.
Ayon kay PNP-ACG Director Police Major Gen. Sydney Hernia, magsasagawa sila ng imbestigasyon ukol sa naturang impormasyon.
Kaugnay nito sinabi din ni Gen. Hernia na kailangang palakasin ang cybersecurity ng bansa dahil hindi naiiwasan ang mga attempted cyber attacks.
Noong weekend, sinabi ng DICT na galing umano sa state-owned telecommunications company ng China ang mga nagtangkang mang hack sa mga government website at email address sa Pilipinas.
Tags: Cyber attack, Cyber Security, PNP-ACG
METRO MANILA – Binalaan ng Philippine National Police Anti Cybercrime Group (PNP-ACG) ang publiko laban sa modus operandi na kung tawagin ay “Love Scam” lalo na ngayong buwan ng Pebrero at sa identity theft.
Madalas aniyang nabibiktima ng love scam ay ang mga naghahanap ng karelasyon online.
Ilan sa mga profile ng love scammers ang sad boi, sad gurl kung saan nagku-kwento ng malungkot na buhay nya ang scammer para makuha ang atensyon mo.
Kabilang din ang mga tinatawag na “The Seducer”, the investor, servicemen, the escort, the blackmailer… the slow burn na nagpapanggap na harmless at the predator na target naman ang mga batang biktima.
Nagkaroon naman ng pagtaas sa kaso ng identity theft noong nakaraang taon kung saan umabot ito sa 12.2% kumpara noong 2022.
METRO MANILA – Mula sa text messages na naglalaman ng napanalunan sa isang raffle hanggang sa pag-aalok ng trabaho na may malaking sweldo, nag level up na ang mga scammer upang makapangloko.
Ngayon naman, link ng Tiktok video na may caption na, “Kung ikaw ba ang nasa video”?
Ayon kay PNP Spokesperson PCol. Jean Fajardo, huwag magtatangkang i- click ang mga nasabing link mula sa mga hindi naman kakilalang sender dahil isa itong scam .
Maha-hack aniya ang inyong social media account hanggang sa magamit ito sa panghihingi ng pera sa inyong mga kakilala.
Malaki rin ang panganib na mabuksan nito maging ang inyong mga Gcash account.
Sa ngayon ay iniimbestigahan na ng PNP-Anti Cybercrime Group (PNP-ACG) ang naturang Tiktok link.
Bunsod ng patuloy na pamamayagpag ng mga scammer sa social media, pinalawak na din ng PNP ang kanilang cyber patrolling.
Base sa tala ng PNP-ACG nakapagtala na sila ng 118 reklamo ng scam sa social media sa loob lamang ng 3 buwan.
(Lea Ylagan | UNTV News)
