Pinag-aaralan na ng National Wages and Productivity Commision (NWPC) ang posibilidad na magbigay ng panibagong umento sa sahod para sa mga minimum wage earner sa bansa.
Kasunod na rin ito ng isinusulong na P750 daily minimum wage sa buong bansa ng ilang mambabatas.
Ayon kay NWPC Executive Director Maria Criselda Sy, tinitignan nila kung kailangan na ito bunsod ng patuloy na pagtaas ng mga produktong petrolyo at pangunahing bilihin.
Tags: dagdag sahod, minimum wage earners, NWPC
METRO MANILA – Muling nanawagan kahapon (April 25) ang mga labor group na
isabatas na ang umento sa sahod, ilang araw bago ang pagdiriwang ng labor daysa May 1.Ayon sa kanila, hindi na talaga sasapat ang kasalukuyang minimum wage
para sa pangunahing gastusin o pangangailangan ng isang pamilyang Pilipino.
Ibinahagi rin ng mga ito na magsasagawa sila ng malawakang kilos protesta sa iba’t ibang
lugar sa bansa, partikular na sa Mendiola sa mismong araw ng paggawa sa May 1
na dala ang panawagang: “Dagdag sahod isabatas!”
Tags: dagdag sahod, labor group
METRO MANILA – Mahigit 4 na milyong minimum wage earners ang nagbenepisyo sa salary adjustments sa 15 rehiyon sa bansa noong 2023.
Ayon sa National Wages and Productivity Commission (NWPC), nasa 15 wage orders ang iniisyu ng Regional Tripartite Wages and Productivity Boards (RTWPB).
Ang RTWPB-NCR ang unang nag-isyu ng wage hike order kung saan P40 ang nadagdag sa sahod ng mga minimum wage earner sa pribadong sektor.
Habang ang Northern Mindanao Wage Board naman ang pinakahuling nag-issue ng dagdag sahod noong December 21.
Samantala, ang Davao Region Wage Board na lang ang hindi pa nagi-isyu ng bagong wage order.
Dagdag naman ng NWPC, inaasahang nasa 8.1-M mga full-time wage at salary workers na kumikita ng higit sa minimum wage ang makikinabang sa correction of wage distortions.
METRO MANILA – Aprubado na ng National Capital Region Tripartite Wages and Productivity board (NCR-TWPB), ang P1,000 umento sa sahod ng mga kasambahay sa Metro Manila.
Ibig sabihin nito ang dating P5,000 buwanang sweldo ng mga kasambahay, ay magiging P6,000 na.
Pero bago ipatupad, isasailalim muna ito sa pagsusuri ng National Wages and Productivity Commission, (NWPC).
Kapag naaprubahan ng NWPC, ilalathala ang umento sa sahod at magiging epektibo pagkatapos ng 15 araw.
Nasa 200,000 mga kasambahay sa NCR ang tinatayang makikinabang sa umento sa sahod.
