METRO MANILA – Huling araw na ngayon ng umiiral na community quarantine para sa buwan ng Mayo at may rekomendasyon na ang Inter-Agency Task Force Against COVID-19 kaugnay ng ipatutupad na bagong quarantine status sa buong bansa para sa susunod na buwan.
Batay ito kay cabinet secretary at IATF Co-Chairperson Karlo Nograles.
May nakatakdang pagpupulong ngayong araw (May 31) ang IATF kay Pangulong Rodrigo Duterte.
At mamayang gabi, inaasahan na mismong ang Punong Ehekutibo ang mag-aanunsyo ng paiiraling community quarantine sa buong bansa para sa buwan ng Hunyo.
Dagdag pa ng palace official, nabigyan na rin ng pagkakataong makapag-apela ang mga local chief executive kaugnay ng inirekomendang community quarantine classification sa kanilang nasasakupan.
Ayon kay Presidential Spokesperson Sec. Harry Roque, kung ang datos ang pagbabatayan tulad ng COVID-19 daily at 2-week attack rate gayundin ang health care utilization rate, posibleng luwagan ang quarantine status sa NCR Plus ngayong Hunyo.
Gayunman, ikinonsidera rin ng IATF ang rekomendasyon ng mga lokal na pamahalaan sa Greater Manila Area.
Kasalukuyang ipinatutupad ang General Community Quarantine with heightened restrictions sa Metro Manila, Rizal, Bulacan, Cavite, at Laguna.
“There is a likelihood that the quarantine classification might be relaxed on the basis of formula but subject to the recommendation of the Metro Manila mayors that any further reopening should be gradual” ani Presidential Spokesperson Sec. Harry Roque.
Samantala, tiniyak naman Malacañang na mabilis na tinutugunan ng pamahalaan ang mga apela ng lokal na pamahalaan kaugnay ng quarantine status na ipinatutupad sa mga nasasakupan.
Ayon sa kalihim, ilang araw lang ang kinakailangan bago maglabas ng desisyon kaugnay nito.
Rerepasuhin ng Department of the Interior and Local Government at Department of Health ang datos kaugnay ng COVID-19 situation at ang kakayanan ng lokal na pamahalaan sa prevention, detection, isolation, treatment at reintegration kontra pandemiya.
“Mabilis naman po iyan dahil alam naman natin na iyong period of time na nagkakaroon recommendation at ipinagbibigay-alam sa LGUs kung ano iyong recommendations sa kaniya at saka iyong apela at iyong pag-announce ng quarantine classification ay maikling panahon lang po. So hindi naman po nagtatagal iyang proseso appeal, matter of days lang po iyan.” ani Presidential Spokesperson Sec. Harry Roque.
(Rosalie Coz | UNTV News)
Tags: Covid-19, IATF, Quarantine Restrictions
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
