Batay sa record ng Commission on Elections, umabot sa halos limang daang libong botante ang nakapagparehistro mula Nov. 6 hanggang Nov. 25, 2017 para sa 2018 brgy at Sangguniang Kabataan elections.
Positibo ang COMELEC na maaabot nila ang kanilang target na tinatayang 500,000 brgy. at 350,000 SK applicants
Kahapon, maaga palang ay mahaba na ang pila sa COMELEC Office sa Manila City Hall.
Karamihan sa mga ito, mga estudyante na sinamantala ang holiday at walang pasok upang makahabol sa deadline ngayong araw ng pagpaparehistro para sa 2018 brgy. at Sangguniang Kabataan elections.
Sa haba ng pila, inukupa na ng mga ito ang isang lane ng Lions Road sa Ermita, Maynila. Hindi pa man nag bubukas ang opisina, marami na ang matyagang pumila.
Sa kabila ng mahabang pila, ikinatuwa naman ng mga ito ang maayos at mabilis na sistema na ipinatutupad ng COMELEC.
Pero kung mayroon mang naging matagumpay na nakapag parehistro, meron namang hindi dahil kulang sa hinihinging requirements.
Muli namang iginiit ng Comission on Elections na wala ng magiging extension para sa pagpaparehistro.
( Aiko Miguel / UNTV Correspondent )
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
