Naaresto na noong Lunes ng Hong Kong police ang co-owner ng Peya Travel Tour na si Rhea Donna Boyce, ito ang travel company na nagbenta umano ng mga pekeng airline ticket sa tinatayang nasa animnaraang Overseas Filipino Worker sa Hong Kong na pauwi sana sa Pilipinas para sa holiday vacation.

Ngunit nadismaya ang mga ito nang pagdating sa airport sa araw ng kanilang nakatakdang flight umano na wala ang pangalan nila sa mga pasahero ng eroplano.

Ayon sa ulat ng news agency na South China Post, isinailalim sa voluntary questioning si Boyce tungkol sa pangyayari ngunit tumanggi umano itong sagutin ang kanilang mga katanungan.

Sa ngayon ay patuloy ang imbestigasyon ng mga otoridad sa isyu. Samantalang nakauwi naman sa Pilipinas ang nasa isandaang mga OFW na nabiktima ng Preya Travel.

Tags: airline ticket, Hong Kong police, OFW