Inihayag ng Department of Foreign Affairs na natanggap na nila ang kumpirmasyon mula sa Chinese Embassy sa Maynila na dadalo si Chinese President Xi Jinping sa APEC Economic Leaders Meeting sa November 18 at 19.
Ayon kay APEC 2015 National Organizing Council Director General Ambassador Marciano Payno Junior, lahat ng APEC 21 member economies ay inaasahang makukumpleto sa APEC Summit.
Hanggang sa kasalukuyan wala pang inilalabas na pahayag kung makakabilang ang pakikipagpulong ni Pangulong Aquino sa Chinese President sa naka-schedule nitong na 11 formal bilateral meetings.
Sa ngayon ayon kay Payno, handa na ang pilipinas upang tumanggap ng delegasyon ng APEC Summit na inaasahan aabot sa sampung libong bisita ang dadalo sa pinakamalaking economic event na magaganap sa bansa ngayong taon. (Nel Maribojoc/UNTV News)
Tags: APEC 2015 National Organizing Council Director General Ambassador Marciano Payno Junior, Chinese President Xi Jinping
Napag-usapan sa bilateral meeting kagabi nina Pangulong Rodrigo Duterte at Chinese President Xi Jinping sa Diaoyutai State guest house sa Beijing ang isyu sa West Philippine Sea.
Gayunman, nagmatigas at nanindigan ang China na hindi kilalanin ang The Hague arbitral ruling na pumapabor sa Pilipinas hinggil sa pinagtatalunang teritoryo. Sa kabila nito, pumabor at sumang-ayon naman ang Chinese Chief Executive sa pagkakaroon ng code of conduct sa South China Sea upang maresolba ang conflict sa disputed territories. Dapat aniya itong mabuo bago matapos ang termino ni Duterte sa 2022.
Sa isyu naman ng joint oil and gas exploration, sinabi ni President Xi na dapat nang ihanda ng steering committee ang kinakailangang panuntunan hinggil dito.
Ikinatuwa naman ni Pang. Duterte ang pahayag ng China na nakahanda itong magbigay ng nararapat na kompensasyon sa dalawampu’t dalawang mangingisdang Pilipino sa Recto Bank incident.
Sa kabila naman ng mga kontrobersyal na isyu kaugnay ng maritime dispute. Desidido pa rin si Pangulong Duterte na ipagpatuloy ang nasimulan nitong maigting na pakikipag-ugnayan sa China.
Hinikayat ng Philippine Chief Executive si President Xi na pagtibayin pa ang ugnayan ng dalawang bansa.
Ayon kay Pangulong Rodrigo Duterte, “Today, let us reaffirm the value of our relationship both personal and official as well as the trust, respect and pursuit of mutual benefit that we have been building over the last three years. To be sure, there have been challenges, yet we are living up to our commitment to define our ties as a comprehensive strategic cooperation.”
Nagpahayag naman ng kahandaan si President Xi na makipagtulungan kay Pangulong Duterte upang kapwa makinabang ang mga mamamayan ng dalawang bansa at manatili ang regional peace at stability.
Samantala, anim na kasunduan naman ang pinirmahan sa pagitan ng dalawang bansa sa official visit ni Pangulong Duterte. Ang mga ito ay may kinalaman sa sektor ng edukasyon, science and technology, cooperative agreement sa pagitan ng Philippine Bureau of Customs, at General Administration of Customs ng China, implementation contract on Project of China Aid Container Inspection Equipment at iba pa.
Ngayong araw ay nakatakda naman ang bilateral meeting ni Pangulong Duterte kay Premier Li Keqiang.
Magke-courtesy call din sa Pangulong ang construction delegates ng China at inaasahan ding magbibigay ng talumpati ang Punong Ehekutibo sa isasagawang Philippine-China Business Forum.
Samantala, manunood din ng Fiba Basketball World Cup 2019 opening ceremony ang Pangulo ngayong gabi sa National Aquatic Center kasama si Chinese President Xi.
Pagkatapos nito, magbibiyahe rin ang Punong Ehekutibo patungong Guanzhou, Guangdong Province para naman sa nakatakdang laro ng Gilas Pilipinas kontra Italy team.
(Rosalie Coz | UNTV News)
Tags: arbitral ruling, Chinese President Xi Jinping, Pangulong Rodrigo Duterte
Manila, Philippines – Tuloy na si Pangulong Rodrigo Duterte sa pagdalo sa 2nd belt and road forum sa Beijing China mula April 25- 27.
kasama ng pangulo ang kaniyang economic managers, kung saan magkakaroon ng bilateral meeting sa pagitan nina Pangulong Duterte at chinese President Xi Jinping at maging kay Premier Li Keqiang.
Kaugnay nito, limang kasunduan ang inaasahang malalagdaan sa pagitan ng Pilipinas at China.
“We are looking at the possible agreements in the areas of education, anti corruption, official development assistance as well as drug rehabilitation, its in the final stage of consultations” ani Department of Foreign Affairs Asec. Meynardo Montealegre.
Hindi naman tiyak kung matatalakay sa nasabing bilateral meetings ang isyu sa agawan ng teritoryo sa west philippine sea.
ngunit tiyak aniya na isusulong ni pangulong duterte ang interes ng pilipinas.
“They expected ofcourse to chart the further development of bilateral relations in various areas like defense, security, economics and development as well as regional and international issues of mutual importance” ayon kay Department of Foreign Affairs Asec. Meynardo Montealegre
Samantala, isa rin si Pangulong Duterte sa magiging lead speakers sa gaganaping leaders’ roundtable.
Layon ng belt and road initiative na gawing mas konektado ang mga bansa sa larangan ng infrastructure development, trade at iba pa.
(Nel Maribojoc | Untv News)
Tags: China, Chinese President Xi Jinping, Philippines, President Rodrigro Duterte
MALACAÑANG, Philippines – Tila ‘di pinansin ni Pangulong Rodrigo Duterte ang isinumiteng reklamo sa International Criminal Court ng mga dating opisyal ng pamahalaan na sina former Foreign Affairs Secretary Alberto del Rosario at former Ombudsman Conchita Carpio-Morales laban kay Chinese President Xi Jinping.
Batay sa reklamo na isinumite kay ICC Prosecutor Fatou Bensouda noong March 15, dalawang araw bago opisyal na tumiwalag ang Pilipinas sa ICC, may plano umano ang China na kontrolin ang South China Sea at maituturing itong crimes against humanity.
Kabilang na dito ang agresibong pagtatayo ng mga artificial islands sa South China sea na nagdulot ng matinding environmental damage.
Ayon naman sa Punong Ehekutibo, karapatan ng mga complainant ito bilang mga Pilipino subalit iginiit na wala namang hurisdisyon ang ICC sa Pilipinas gayundin sa China.
“They are Filipino citizens and I think we’ll just also have to defend our position vis-à-vis sa kanila. They think they have a good case and I would say that there is no jurisdiction over this country and of China.” ani Pangulong Duterte.
Naniniwala naman si Pangulong Duterte na ‘di maapektuhan ng reklamo ang kasalukuyang ugnayan ng dalawang bansa.
(Rosalie Coz | UNTV News)
Tags: China, Chinese President Xi Jinping, Pangulong Rodrigo Duterte, Pilipinas, Relasyon ng Pilipinas at China
