Maaari pang ipa-rebook ang mga nakanselang flight sa Philippine Airlines dahil sa nalalapit na Asia-Pacific Economic Cooperation o APEC Summit na gaganapin sa bansa.
Sa abiso ng PAL, maaaring ipa-rebook ang flight nang libre at maaari ding mabawi ng pasahero ang kabuuang ibinayad nila sa ticket.
Sa ngayon, mahigit na sa dalawandaang biyahe ng PAL ang nakansela mula Nobyembre a-kinse hanggang Nobyembre a-bente upang bigyang-daan ang pagdating at pag-alis ng libo-libong delegado ng APEC.
Ang mga pasaherong apektado ng cancelled flights ay padadalhan ng mensahe ng PAL sa text o email.
Para naman sa mga pasaherong hindi nakapag-iwan ng kanilang contact numbers ay maaaring makipag-ugnayan sa PAL hotline na 855-8888.
Tags: APEC Summit, PAL
