Maaari nang mangampanya ang mga kandidato na sasabak sa barangay at Sangguniang Kabataan elections simula ngayong araw hanggang ika-12 ng Mayo.
Ngunit kasabay nito ay nagpaalala ang Commission on Elections (Comelec) sa mga dapat at hindi dapat gawin ng mga kumakandidato.
Base sa April 11, 2018 resolution ng Comelec, ang campain posters ay dapat lang ilagay sa mga itinalagang common poster areas.
Ang sukat ng mga campaign paraphernalia gaya ng stickers, leaflets, cards at decals ay hindi dapat lalagpas sa lapad na 8 1/2 inches at taas na 12 inches.
Ang mga posters naman ay hindi rin dapat lalagpas sa 2 by 3 feet habang 3 by 8 feet naman sa mga streamer.
Sinomang mapapatunayang lalabag dito ay posibleng madikswalipika, makulong mula isa hanggang anim na taon at pagmulhatin ng hindi bababa sa 10-libong piso.
Panawagan ni DILG Usec. for Barangay Affairs Martin Diño sa publiko na kunan ng litrado at video ang mga campaign material ng mga kandidato na hindi nakalagay sa tamang lugar.
Ireport ito sa DILG o sa Comelec para masampolan ang mga pasaway na kandidato.
( Grace Casin / UNTV Correspondent )
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
