Inihayag ng Malakanyang na pasado si Camarines Sur Representative Leni Robredo bilang maging running mate ni dating DILG Secretary Mar Roxas sa paparating na 2016 national elections.
Ayon kay Deputy Presdential Spokesperson Abigail Valte, magkatulad sila ni Pangulong Aquino pagdating sa prinsipyo at paniniwala, kaya hindi nila inaalis ang posibilidad sa posibleng pagtakbo bilang Vice President ni Robredo sa ilalim ng administration party.
Dagdag ng Malakanyang, hindi na bago ang ginagawang mga kampanya na ito kay Robredo upang tumakbo sa mataas na posisyon sa darating na eleksyon.
Sa kasalukuyan ay nasa Naga city sina Roxas, upang kausapin ang pamilya ni Robredo.(Nel Maribojoc/UNTV Correspondent)
