METRO MANILA – Nananatiling naglalatag ng mga proyekto ang Bangko Sentral ng Pilipinas (BSP) upang tulungang mapalago ang ekonomiya ng bansa sa tulong ng teknolohiya. Ayon kay BSP Governor, Benjamin Diokno, malaki ang naitutulong ng teknolohiya sa ekonomiya lalo na sa pananalapi kung saan mapapabilis ang mga transaksyon.
Isa sa mga hakbang ng BSP ukol dito ay ang Digital Payment Transformation Roadmap na inilunsad noong 2020. Ang proyektong ito ay naglalayon na mailagay ang Pillipinas bilang isang ‘cash-lite economy’ sa taong 2023 sa digitalization ng financial services.
Ayon sa roadmap ng BSP, nais nito na mas tangkilikin ng mga mamamayan ang digital payments sa pamamagitan ng paglipat ng 50% ng kabuuang volume ng retail payments sa digital form at ang pagpapakilala ng 70% ng Filipino adults sa pormal na financial system sa bagong payment o transaction accounts sa taong 2023.
Isa pang hakbang ng BSP ay ang pagsulong sa digital banking kung saan 6 na digital bank licenses na ang naibigay upang magsimula ng operations. Ang digital bank ay nag-aayos ng financial products at services gamit ang digital platforms at electronic channels nang walang pisikal na interaksyon.
(James Hoyla | La Verdad Correspondent)
Tags: BSP
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
METRO MANILA – Posibleng umabot sa 2.8% hanggang 3.6% ang maitatalang inflation rate sa bansa para sa buwan ng Pebrero ngayong 2024.
Base ito sa forecast ng Bangko ng Sentral ng Pilipinas (BSP).
Ilan sa mga bagay na posibleng makapagtaas sa galaw ng inflation ay ang patuloy na pagtaas ng presyo ng mga pagkain gaya ng bigas, karne, at isda. Gayundin ang presyo ng langis at kuryente.
Habang maaari rin itong hilain pababa dahil naman sa mababang presyo ng gulay, prutas at asukal.
Noong Enero umabot sa 2.8% ang naitalang inflation rate sa bansa o ang pagtaas ng presyo ng bilihin at iba pang pangunahing serbisyo na binabayaran ng mga konsyumer.
METRO MANILA – Posibleng umabot sa 5.1 hanggang 5.9% ang inflation rate o antas ng pagtaas ng presyo ng mga pangunahing bilihin at serbisyo sa bansa para sa October 2023 ayon sa pagtaya ng Bangko Sentral ng Pilipinas (BSP).
Ayon sa BSP, naging pangunahing dahilan dito ang mas mataas na presyo ng kuryente, LPG, mga prutas, gulay at ang pagtaas sa pamasahe sa jeep.
Maaari namang maka-contribute sa downward price pressures ang mas mababang presyo ng bigas, karne, at gulay. Gayundin ang pagbaba sa presyo ng produktong petrolyo.
Umabot sa 6.15% ang inflation noong September bunsod ng mataas na presyo ng pagkain partikular na ng bigas ayon sa Philippine Statistics Authority (PSA).
Mas mataas ito sa 5.3% inflation na naitala noong August 2023.
