Mas dumami ang bilang ng mga Pilipinong nagsasabing sila’y mahirap batay sa pinakahuling survey ng Social Weather Stations (SWS).
52 porsyento o tinatayang nasa 12.2 milyong pamilya ang ikinukunsidera ang kanilang sarili na mahihirap batay sa September 2018 self-rated poverty survey result ng SWS.
Apat na puntos na mas mataas ito sa 48 percent ratings noong June 2018 at pinakamataas ito sa self-rated poverty sa loob ng apat na taon.
Batay din sa ulat, pinakamataas ang bilang ng mga Pilipinong nagsasabing sila’y mahihirap ay sa Luzon at sa Mindanao.
Bumaba naman ang bilang ng mga kinukunsiderang sila’y mahihirap sa Metro Manila at ‘di nagbago ang data sa Visayas.
Samantala, nagpahayag naman ng pagkabahala ang Malacañang sa resultang ito ng self-rated poverty survey.
Ayon kay Presidential Spokesperson Harry Roque, nauunawaan ng pamahalaan ang sentimyento ng mga kababayan at malaki aniya ang naging epekto ng nagdaang Bagyong Ompong sa pagtaas ng inflation at self-rated poverty sa North Luzon.
Kaya naman gumagawa na aniya ng mga paraan ang pamahalaan upang ibsan ang epekto ng pagtaas ng presyo ng mga bilihin kabilang na pagtatanggal ng restriksyon at limitasyon sa pag-aangkat ng bigas.
Tags: mahirap, pagtaas ng presyo, SWS
METRO MANILA – Bumaba sa 7.9 Million ang bilang ng mga Pilipinong walang trabaho ayon sa pinaka huling survey ng Social Weather Stations (SWS).
Lumabas sa resulta ng survey na isinagawa noong September 28 hanggang October 1, na bumaba sa 16.9% ang adult joblessness, 5.8% ito na mas mababa kaysa sa 22.8% noong June 2023 o humigit-kumulang 10.3 Million adults.
Ang mga walang trabaho ay binubuo ng mga boluntaryong umalis sa trabaho, naghahanap ng trabaho sa unang pagkakataon, nawalan ng trabaho dahil sa economic circumstances o natanggal sa trabaho.
Tags: Pilipino, SWS, Unemployed
METRO MANILA – Batay sa panibagong survey result ng Social Weather Stations (SWS), bahagyang bumaba sa 28% na mga Pilipino ang nagsasabing gumanda ang kalidad ng kanilang pamumuhay, kumpara sa 33% survey result noong June hanggang July.
Umakyat naman sa 30% ang nagsasabing lumala ang kalidad ng kanilang buhay at 41% ang nagsabing walang pagbabago sa kanilang pamumuhay sa nakalipas na 1 taon.
Samantala,1 naman sa 10 pamilyang Pilipino ang nakararanas ng ‘involuntary hunger “ sa 3rd quarter ng taon.
Batay sa survey, 9.8% ng mga Pilipino ang naranasan ang involuntary hunger o nakaranas ng gutom o 1 beses na walang halos makain sa nakalipas na 3 buwan.
Bahagya naman itong bumaba mula sa 10.4% na naitala noong Hunyo.
Isinagawa ang bagong survey noong September 28 hanggang October 1 sa 1,200 adult respondents.
(Nel Maribojoc | UNTV News)
Tags: SWS
METRO MANILA – Bumaba ang bilang ng mga Pilipinong nagsasabi na sila ay mahirap sa ikatlong quarter ngayong taon.
Batay sa survey ng Octa Research, nasa 46% o 12.1 million na pamilyang Pilipino ang itinuturing ang kanilang sarili na mahirap.
Mas mababa ito sa 50% o 13.2 million families na nagsabing sila’y mahirap nitong second quarter ng taon.
Bumaba din ang bilang ng mga Pilipinong nakaranas ng pagkagutom dahil walang makain. Mula sa 15% noong second quarter, 10% na lamang ito katumbas ang 2.6 million na pamilyang Pilipino.
Isinagawa ang survey mula September 30 hanggang October 4 sa pamamagitan ng face-to-face interviews sa 1,200 respondents.
