Nirespondehan ng UNTV News and Rescue Team ang biktima ng bangaan ng dalawang suv sa Governor Pack Road Flyover, Baguio City, alas-nuebe y media kagabi.
Inabutan ng rescue team ang lalakeng lulan ng Kia Sorento Wagon na nagtamo ng sugat sa mukha at hinihinalang mayroong spinal cord injury.
Kasama ng UNTV News and Rescue sa pagresponde ang 911-on call Baguio na tumulong na mailagay ang kendricks extrication device sa pasyente.
Kinilala ang biktima na si Danny Pilen, singkwentay sais anyos na residente ng Crystal Cave Baguio City.
Wala namang nasugatan sa mga pasahero ng nakabanggaan nitong sasakyan.
Matapos malapatan ng paunang lunas ang biktima agad itong dinala ng rescue team sa Baguio General Hospital.
(Grace Doctolero/UNTV News)
Tags: Baguio City, Governor Pack Road Flyover, UNTV News and Rescue Team
