Bumaba ang bentahan ng sugar sweetened beverages sa mga tindahan isang buwan matapos ipatupad ang Tax Reform for Acceleration and Inclusion (TRAIN) law.
Ayon sa Nielsen, isang consumer data analytics company, kabilang sa bumagsak ang benta ay ang powdered juice drinks, bumaba ito sa 15.4% ngayong taon mula sa 1.7% noong Pebrero 2017.
Ang powdered tea, mula 3.4% noong Pebrero 2017, bumaba ng 18.1% ngayong taon. Ang carbonated drinks, mula 4.1% noong Pebrero 2017, bumaba ang bentahan nito ng 7% ngayong 2018.
Ayon sa Supermarket Association of the Philippines, napansin nila na nagbago rin ang paraan ng pamimili ng mga consumer mula ng tumaas ang presyo ng ilang bilihin dahil sa TRAIN law.
Mas naging mapili daw ang mga consumer sa produktong bibilhin
Pero ayon sa Department of Trade and Industry (DTI), pansamantala lamang ito at muling lalakas ang bentahan ng sweetened beverages.
Patuloy namang mag-momonitor ang DTI sa mga pamilihan upang matiyak na walang aabuso na magtataas ng sobrang presyo ng mga bilihin.
( Mon Jocson / UNTV Correspondent )
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
