Pinag-aaralan ng pamahalaan ang posibilidad ng pag-ooperate ng Bataan Nuclear Power Plant upang maging karagdagang source ng kuryente sa bansa.
Kahapon, nagsagawa ng preliminary assessment ang Department of Energy kasama ang ilang eksperto mula sa bansang Russia at Slovenia sa Bataan Nuclear Power Plant para sa prefeasibility study. Pag-aaralan ng mga eskperto ang tungkol dito sa loob ng dalawang buwan.
Pangungunahan ito ng Rosatom State Atomic Energy Corp., ang regulatory body ng Russian Nuclear Complex. Libre itong isasagawa bilang bahagi ng kasunduan ng Pilipinas at Russia.
Kung sakaling marehabilitate, ito ay mas bababa ng dalawangpung sentimo kada kilowatt hour ang singil sa kuryente na ipo-produce sa planta.
Mahigit tatlumpung taon na ang nakalilipas mula nang itayo ang BNPP ngunit hindi ito natapos matapos ang Chernobyl Nuclear Disaster noong 1986. Umabot sa halos dalawang bilyong dolyar ang nagastos sa pagtatayo ng power plant noong panahon ni dating Pangulong Ferdinand Marcos.
(Leslie Huidem / UNTV Correspondent)
Tags: Bataan Nuclear Power Plant, Russia, Slovenia
Wala sa mga Pilipino ang nadamay sa tensyon na nangyari sa ilang lugar sa Russia partikular sa Rostov-on-Don na sinakop ng Russian paramilitary wagner group.
Ayon kay Department of Foreign Affairs Undersecretary for Migrant Workers Affairs Undersecretary Eduardo de Vega, patuloy ang kumonikasyon ng embahada ng Pilipinas sa sampung Pilipino na kasalukuyang nakatira sa Rostovondon.
“ ’yung Rostov, yung kinukuha ng wagner group konti lang yung Pilipino doon labing-isa o sampu lang kaya lahat nakikipagugnayan ‘yan sa embahada na safe sila,” ani Usec. Eduardo de Vega, DFA.
Noong Sabado, June 24, napaulat na sinakop ng wagner group ang Rostovoondon na isa sa pinakamalaking lungsod sa southern Russia.
Ito ay kasunod ng umano’y pang-aatake ng Russian military sa mga tauhan ng private mercenary wagner group na pinamumunuan ni Yevgeny Prigozhin.
Agad naghain ang National Anti-terrorism Committee ng Russia ng kasong kriminal laban kay Prigozhin dahil sa mga paratang at pag-uudyok nito sa armadong rebelyon.
Ngunit kamakailan lang, nagkasundo ang dalawang paksyon na hindi na itutuloy ng Russian government ang pagsasampa ng reklamong pagtataksil laban kay Prigozhin, at magtungo na lamang sa Belarus dahilan ng paghupa ng tensyon.
Sa panayam ng UNTV news sa ilang Pilipinong nakatira sa Moscow Russia na naghigpit din ng kanilang seguridad, nasa maayos naman ang kanilang sitwasyon doon.
Pero kahit pa man, humupa na ang tensyon sa lugar, ayon kay usec. De Vega hindi pa rin titigil ang pamahalaan sa pagmu-monitor sa sitwasyon sa lugar at kalagayan ng Overseas Filipino Workers doon.
pinapayuhan ng DFA at ng embahada ng Pilipinas ang mga pilipino sa russia na maging mapag-matyag at umantabay pa rin sa mga abisong ilalabas ng Philippine embassy.
Pinaiiwas rin ang mga ito sa matataong lugar gayundin sa pakikilahok sa mga demonstrasyon at huwag mag-post ng anomang political comments sa social media na hindi kumpirmado. Maging sa pagbiyahe sa ibang rehiyon kung hindi naman kinakailangan.
Sa tala ng Department of Foreign Affairs, nasa sampung libong mga Pinoy ang naroroon ngayon sa Russia at siyamna libo nito ay nakatira sa moscow.
Janice Ingente/UNTV News
Tags: Department of Foreign Affairs, DFA, Russia
Ligtas nang nakarating sa Poland ang unang batch ng mga Pilipinong inilikas mula sa Ukraine.
Sinalubong ni Foreign Affairs Secretary Teodoro Locsin, Jr. ang labing-tatlong pinoy repatriates pagkatapos ng limang oras nilang paglalakbay sa pamamagitan ng bus.
Biyernes nang dumating sa Poland ang kalihim mula sa EU Ministerial Forum for Cooperation in Indo-Pacific sa Paris at tumuloy sa Poland upang personal na makita ang paglilikas sa mga kababayan.
Ayon kay Sec. Locsin, naka-high alert ang DFA 24/7 upang matiyak ang kaligtasan ng mga pinoy sa gitna ng Ukraine-Russia tension.
Tinutukoy din ng mga embahada ng Pilipinas sa Poland at Hungary kung ilan lahat ang mga kababayan sa Ukraine upang mai-repatriate sila sa lalong madaling panahon.
Ayon kay DFA Undersecretary for Migrant Workers’ Affairs Aara Lou Arriola, sa mahigit apat na pung pinoy sa Lviv, labing-tatlo lang ang sumama sa biyahe para sa repatriation program.
Patuloy naman ang apela ng pamahalaan sa mga pinoy sa Ukraine na mag-ingat, manatiling mapagmasid at agad na makipag-ugnayan sa Philippine Embassy team sa Lviv o Consulate General sa Kyiv kung nangangailangan ng assistance.
Maaaaring makipag-ugnayan sa Philippine Embassy sa warsaw sa pamamagitan ng email o kaya naman sa kanilang emegenry hotline at office mobile number.
Ang mga nangangailangan naman ng repatriation assistance malapit sa borders ng Moldova at Romania ay maaaring makipag-ugnayan sa Philippine Embassy sa Budapest sa pamamagitan ng kanilang emergency hotline at viber number.
Samantala, maaari namang makipag-ugnayan sa Philippine Consulate sa Moldova sa pamamagitan ng email o kaya naman sa kanilang whatsapp at mobile number.
Rosale Coz | UNTV News
Tags: DFA Sec. Locsin, Poland, Russia, Ukraine, UKRAINE-RUSSIA TENSION
METRO MANILA – Inanunsyo ni Russian President Vladimir Putin na rehistrado na sa bansa ang kauna-unahang bakuna laban sa Coronavirus Disease 2019.
Isa sa mga anak ni Russian President Vladimir Putin ang unang tumanggap COVID-19 vaccine na tinawag na Sputinik V (five) matapos itong pumasa sa lahat ng kinakailangang pagsusuri.
Ayon sa Russian Health Ministry, magkakaloob ng immunity sa COVID-19 ang vaccine sa loob ng 2 taon.
Gayunman, ilang mga eksperto at siyentipiko sa loob at labas ng Russia ang kumukwestyon sa agarang paggamit nito dahil hindi pa
kumpleto ang phase 3 trials na karaniwang tumatagal ng ilang buwan.
Una nang ipinahayag ng World Health Organization (WHO) na nakikipag-ugnayan na sila sa Russian authorities para sa review ng vaccine.
Posible namang simulan ngayong buwan ang COVID-19 vaccination sa mga doktor kasunod ang medical workers, teachers at iba pang risk groups sa Russia.
Sa Setyembre ang target na large-scale production ng bakuna samantalang ang mass vaccination naman ay sisimulan sa Oktubre.
Tags: COVID-19 Vaccine, Russia
