Humina ang Bagyong “Yutu” habang ito ay papalapit sa Philippine Area of Responsibility (PAR).
Namataan ito ng PAGASA kaninang alas quatro ng madaling araw sa layong 2,120km sa silangan ng Central Luzon.
Taglay nito ngayon ang lakas ng hangin na 180km/h at pagbugso na aabot sa 220km/h. Kumikilos ito pa-kanluran sa bilis na 20km/h.
Posibleng pumasok ito ng PAR sa Sabado at papangalanan itong Rosita.
Base sa forecast track ng PAGASA, posibleng maglandfall o tumama ang sentro ng bagyo sa Cagayan sa Martes o Miyerkules.
Sa ngayon ay nakakaapekto sa Northern Luzon ang northeasterly surface windflow o hangin na galing sa northeast.
Base sa forecast ng PAGASA, makararanas ng papulo-pulong pag-ulan ang Ilocos Region, Cordillera at Cagayan Valley Region.
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
