Napanatili ng bagyong “Chedeng” ang intensity nito habang gumagalaw papalapit ng Isabela-Aurora area ayon sa PAGASA.
Ang tinatayang dami naman ng tubig-ulan na posibleng idulot ng bagyo ay mula moderate to heavy sa loob ng 150 km radius ng bagyo.
Inaasahan na tatama ito sa kalupaan ng Aurora-Isabela area sa Linggo ng umaga, Abril 5 at aalis ito ng kalupaan sa Ilocos Sur, Linggo naman ng gabi at tuluyan itong lalabas ng Philippine Area of Responsibility sa Lunes, Abril 6.
Inabisuhan ang mga residente sa mga lugar na isinailalim sa storm signal warning lalo na sa mga mabababa at bulubunduking lugar na magingat dahil sa banta ng flashflood at landslide.
Posible pa ring magdulot ng storm surge ng hanggang dalawang metro sa silangang bahagi ng dalampasigan ng Aurora, Quezon at Isabela.
Nagbabala rin ang PAGASA sa mga mangingisda na huwag ng pumalaot sa northern seaboard ng Northern Luzon, eastern seaboard ng Bicol region at Visayas.
Kaninang 4:00am, Abril 4, namataan ang sentro ng bagyong Chedeng sa layong 625 km Silangan Timog-Silangang bahagi ng Casiguran, Aurora.
May lakas ito ng hangin ng hanggang 130 kph malapit sa gitna at may pagbugso ng hangin ng hanggang 160kph
Gumagalaw ito sa direksyong Kanluran Hilagang-Kanluran sa bilis na 19kph.
Forecast Positions:
• 24 hour (Linggo ng umaga): 155 km SIlangan Timog-Silangan ng Casiguran, Aurora
• 48 hour (Lunes ng umaga): 105 km Kanluran Timog-Kanluran ng Laoag City
• 72 hour (Martes ng umaga): 555 km Hilagang-Kanluran ng Laoag City o labas ng Philippine Area of Responsibility (PAR).
Public Storm Warning Signal 2
(Winds of 61-100 kph is expected in at least 24 hrs)
Catanduanes
Public Storm Warning Signal 1
(Winds of 30-60 kph is expected in at least 36 hrs)
Camarines Sur, Camarines Norte, Quezon, Polilio Island
Rizal, Bulacan, Pampanga, Tarlac, Benguet, Kalinga,
Aurora, Isabela, Nueva Ecija, Pangasinan
La Union, Ilocos Norte, Ilocos Sur, Abra
Apayao, Cagayan, Quirino, Nueva Vizcaya
Ifugao, Mountan Province
Tags: Chedeng, flashflood, landslide, PAGASA-DOST, storm surge, Storm Warning Signal, typhoon
Japan – Nag-iwan ng malaking pinsala ang Bagyong Hagibis sa bansang Japan. Ayon sa mga awtoridad, umabot na sa 58 na katao ang namatay, 14 ang nawawala at halos 200 ang mga sugatan.
Ayon naman sa mensahe na ipinadala sa UNTV ng Philippine Embassy sa Japan, wala pang naiulat na Pilipinong nasawi sa Bagyong Hagibis.
Araw ng Sabado (October 12) ng maramdaman ng malaking bahagi ng Japan ang hagupit ng Bagyong Hagibis, maraming mga residential area ang binaha dahil sa pag-apaw ng mga ilog.
Samantala, nasa 160 mga pasyente ang kailangang ma evacuate sa ibang ospital, pagtutulung tulungan ng mga staff ng sategaya hospital, mga kaanak ng pasyente at maging ng Japan self defense force ang evacuation.
Ang Bagyong Hagibis ay pang 19 na bagyo na tumama sa Japan ngayong taon, nag land fall ito sa Izu Peninsula noong Sabado (October 12) ng gabi. Itinuturing na pinakamalakas na bagyo na tumama sa Japan ang Hagibis sa nakalipas ng mahigit 60 taon.
(RL KAMIYA | UNTV NEWS)
MANILA, Philippines – Nag-alok ng Humanitarian Assistance si Pangulong Rodrigo Duterte sa Japan matapos manalasa doon ang Super Typhoon Hagibis nitong Sabado.
Ayon sa pahayag ni Presidential Spokesperson at Chief Presidential Legal Counsel Sec. Salvador Panelo, nagbigay ito ng direktiba sa Department of Foreign Affairs (DFA) na makipag-ugnayan sa counterpart nito sa Japan kung ano ang tulong na maaaring maipagkaloob ng Pilipinas.
Nagpaabot din ng pakikisimpatya ang Pangulo sa mga mamamayan at pamahalaan ng Japan dahil sa bilang ng mga nasawi at nawalan ng tirahan bunsod ng kalamidad.
Nakaantabay naman at nakatutok ang Philippine Embassy sa Tokyo sa sitwasyon at nakikipag-ugnayan sa Filipino Community sa mga naapektuhang lugar sa Japan.
(Rosalie Coz | UNTV News)
MANILA, Philippines – Mababawasan na simula sa September 1, ang mga araw at oras na mawawalan ng suplay ng tubig ang mga customer ng Maynilad at Manila Water.
Kasunod ito ng gagawing pagdaragdag ng National Water Resources Board (NWRB) sa sukat ng alokasyon ng tubig na ibinibigay sa Metro Manila.
Ayon kay NWRB Executive Director Servillo David Jr, ang pagdaragdag ng alokasyon ay bunsod ng patuloy na pagangat ng lebel ng tubig sa Angat dam.
As of 7-am kahapon (August 26),umakyat na minimum operating level ang antas ng tubig sa dam na 180.7 meters. Dahil dito, asahan na mabawasan na ang mga araw at oras ng water service interruption ng Maynilad at Manila Water sa kanilang mga customer.
“Magkakaroon ng improvement sa services gun and inexpert nation with this additional releases na from angat dam expect this September 1” ani NWRB Director Servillo David Jr.
Bukod pa rito, ibabalik na rin ng NWRB ang 30 cubic meters na alokasyon ng tubig para sa irigasyon na ibinibigay sa mga sakahan sa Bulacan at Pampanga.
Nitong nakaraang mayo, pansamantalang sinuspinde ng nwrb ang alokasyon sa irigasyon dahil sa pagsadsad ng tubig sa Angat dam.
Samantala ayon naman sa Pagasa posibleng magtuloy-tuloy na ang pagtaas ng tubig sa angat sa mga susunod na araw.
“Kasi nandito na tayo sa tag-ulan may mga bagyo at may mag inexpect pa tayo na bagyong dadating so inaasahan based from the historical naman natin na mga data nakikita natin during these month talaga tumataas ang elevation ng Angat dam” ani PAGASA Hydrologist, Shiela Schneider.
Bukod sa Angat, patuloy ring tumataas ang lebel ng tubig sa La Mesa dam, Ambuklao at Ipo dam.
(Joan Nano | UNTV News)
