METRO MANILA – Magpapatupad ng adjustment sa oras ng operasyon, ang mga mall sa Metro Manila kaugnay sa inaasahang dagsa ng mga tao habang papalapit ang holiday season.
Ayon sa MMDA magsisimula ito sa darating na November 14 at tatagal hanggang sa January 6, 2023.
Mula sa kasalukuyang oras 10am to 9pm, ia-adjust ang mall hours ng 11am to 11pm.
Bukod dito napagkasunduan rin na hindi muna magsasagawa ng mall sale tuwing weekdays.
Dapat ring abisuhan ng mga mall operator ang MMDA kung magkakaroon ng sale, upang makatulong sa pagsasaayos ng trapiko kapag weekend.
Nauna nang sinabi ng MMDA na tinatayang nasa 50,000 na mga sasakayan ang madaragdag sa traffic volume sa Metro Manila ngayong holiday season.
“Napagkasunduan na po ay starting November 14 up to January 6, the adjusted mall hours sa Metro Manila ay from 11am to 11pm on the weekdays po , in addition po yung mga sale nila po sana po gawin sa weekend at kung magkaka-sale kailangan po silang magsubmit sa MMDA ng traffic management plan at least 2 weeks before para makatulong rin po kami sa traffic management po” ani MMDA Spokesperson, Atty. Melissa Carunungan.
Tags: mall hours, MMDA, traffic
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Inihayag ni Pangulong Ferdinand Marcos Junior na mananatili sa P1,000 ang babayarang multa para sa illegal parking ng mga mahuhuling motorista.
Ipinatigil na muna ni PBBM ang probisyon ng joint traffic circular ng Metro Manila Council na itaas ang multa para sa illegal parking mula P1,000 hanggang P4,000.
Naniniwala naman ang pangulo na madadaan pa sa disiplina ang mga motorista at magkakaroon ng pangmatagalang solusyon sa kinakaharap na problema sa trapiko sa Pilipinas lalo na sa Metro Manila.
Tags: illegal parking, Metro Manila, traffic
METRO MANILA – Nagbigay ng grace period ang Metropolitan Manila Development Authority (MMDA) sa pagbabawal sa mga E-bike at E-trike na dumaan sa national road.
Ayon sa ahensya, sa May 18 na lang istriktong ipatutupad ang panghuhuli sa mga nasabing e-vehicles pero babala nito hindi ibig sabihin ay pwede nang magsamantala ang mga E-bike at E-trike na dumaan sa national roads sa loob ng itinakdang grace period.
Pinag-aaralan naman ngayon ng ahensya na maibalik sa mga may-ari ang na-impound na mga E-bike at E-trike nang hindi na magbabayad ng multa.
