Si dating Presidential Legal Consel Chief Alfredo Benjamin Caguioa ang itinalaga kahapon ni Pangulong Benigno Aquino The Third bilang Ad interim Secretary ng Department of Justice.
Si Caguioa ang pumalit kay outgoing Secretary Leila De Lima na nagbitiw sa posisyon upang tumakbo sa pagka senador para sa 2016 elections.
Kanina, ay maagang pumasok sa kanyang bagong opisina si Secretary Caguioa,
Ayon kay Caguioa, sa ngayon ay kinakausap na niya ang kanyang mga makakasama sa trabaho, partikular na ang mga under secretary upang malaman ang mga bagay-bagay at mga kasong kinakailangang matutukan ng ahensya.
Isa ang National Bureau of Investigation sa mga tanggapan na hawak ng DOJ na kabilang sa mga tutukan ni Caguaio.
Kasama rin sa pupulungin ng bagong kalihim ang mga departnent head ng tanggapan upang pagusapan ang mga trabaho na kinakailangang maging prayoridad ng departmamento.
Nangako naman si Caguiao na ipagpapatuloy ang magandang performance ng ahensya at mga naiwang trabaho ni De Lima.(Joan Nano/UNTV Correspondent))
METRO MANILA – Kapwa tinutulan ng Department of Justice (DOJ) at Philippine National Police (PNP) ang mga panawagang secession o paghiwalay ng Mindanao sa Pilipinas.
Ayon sa DOJ, labag sa prinsipyo ng democratic society ang secession alinsunod sa Article 2, Section 2 ng konstitusyon.
Bilang principal law agency ng ehekutibo, nananatili umanong committed ang DOJ sa pangangalaga sa soberanya ng Pilipinas.
Ayon naman kay PNP Chief PGen. Benjamin Acorda Jr., hindi maaaring mabalewala ang maraming buhay at dugo na isinakripisyo para sa kapayapaan ng Mindanao at posibleng magresulta umano ng gulo ang paghihiwalay dito.
METRO MANILA – Aminado ang Department of Justice (DOJ) na mahirap para sa Bureau of Immigration (BI) na matukoy ang pagkakakilanlan ng mga imbestigador mula sa International Criminal Court (ICC) na papasok sa Pilipinas
Ayon kay DOJ Spokesperson Assistant Secretary Mico Clavano, hindi basta mabeberipika o makukumpirma ng immigration ang pagkakakilanlan ng mga ito.
Gayunman, naniniwala ng DOJ na wala pang presensya ang ICC investigators dito sa Pilipinas, taliwas sa mga kumakalat na balita.
Nauna nang sinabi ni Dating Presidential Spokesperson Harry Roque na kumpirmadong nakapasok na ng Pilipinas ang mga kinatawan ng ICC at nagsasagawa na ng imbestigasyon.
Kaugnay nito, nais sana ng DOJ na makausap si Attorney Roque, upang maibahagi sa kanila ang mga impormasyong nalalaman nito hinggil sa ICC.
METRO MANILA – Ikinatuwa ng mga kinatawan ng International Community ang pansamantalang paglaya ni Former Senator Leila De Lima, matapos ang halos 7 taong pagkakakulong.
Sa isang tweet sinabi ni United States Ambassador to the Philippines MaryKay Carlson, na isang welcome news ang paglaya ng naturang senador.
Aniya, maresolba na sana ang lahat ng mga kasong kinakaharap ni De Lima.
Ayon naman kay European Union Ambassador Luc Veron, ang paglaya ni De Lima ay isang mahalagang hakbang sa pananaig ng batas sa Pilipinas.
Pinuri rin ng embahada ng Canada at the Netherlands ang hakbang at sinabing nawa’y makamit ng dating senadora ang hustisya na nararapat sa kaniya.
Tags: DOJ, Ex Sen. Leila De Lima, SC
