Tatapusin na ng Land Transportation Office ang pag-iisyu ng mga naka-pending na drivers licenses sa buwan ng Oktubre
Sa ngayon, mayroong 900 thousand na backlog ang lto sa mga lisensya at kada araw ay nakakapag imprenta ng isang libo ang kontraktor ng ahensya
Bukod dito pinalawig ng ahensya ang operasyon ng pag proseso sa mga lisensya sa mga shopping mall
Kamakailan, dalawamput limang mga drivers license center ang binuksan ng LTO
Magandang balita rin sa mga kumukuha at nag re-renew ng drivers license dahil bubuksan ng Land Transportation Office ang mga license center nito tuwing araw ng sabado
Sa tulong nito, mababawasan ang backlog ng LTO na 900 thousand na lisensya sa buwan ng Oktubre
Ayon sa LTO, malaking tulong ito sa mga kababayan nating nag re-renew ng lisensya na napipilitang mag-basent o mag-leave sa trabaho upang kumuha o mag-renew ng lisensya
Ayon sa LTO sisimulan muna ito sa National Capital Region bago ipatupad sa iba’t ibang panig ng bansa.
Samantala, ang operasyon naman ng sabado ay para doon sa mga magki-claim ng lisensiya at kapag tumagal na ay maari nang tumanggap ng ibang trabaho.
Ayon sa LTO, mapapabilis na rin ang pagkuha ng lisensya dahil binawasan na nito ang proseso ng mga nag a-apply
Sa mga nag re-renew ng lisensya, hindi na kailangang mag fill-up ng application ng form at sa halip ay magdala ng isang valid id at medical certificate, ipa-check ang mga detalye ng aplikasyon at magpakuha ng litrato.
Ayon sa LTO ang renewal ay aabutin na lamang mg sampu hanggang labing limang minuto. (Mon Jocson/ UNTV News)
