Babae, patay matapos mahulog sa ilog habang gumagamit ng smartphone

by Radyo La Verdad | January 4, 2016 (Monday) | 1477

Photo by REUTERS

Isang babae sa China ang nasawi matapos mahulog sa ilog habang nilalaro ang kanyang smartphone.

Sa surveillance footage makikita ang 28 years old na biktima na dire-diretsong naglalakad sa tabing ilog habang nagsi-cellphone.

Hindi nakikita ng babae ang kanyang nilalakaran dahil nakatutok ang kanyang mga mata sa kanyang cellphone.

Nadulas ang babae sa gilid ng daan at tuluyang nahulog sa ilog.

Natagpuan ang katawan ng babae sa ilog kinabukasan.

Ayon sa asawa ng babae maging aral sana ang nangyari sa kanyang asawa sa tamang paggamit ng cellphone.