Pasok na sa semi- finals ang two time champion AFP Cavaliers matapos talunin ang nha builders sa main game ng triple header kahapon ng UNTV Cup Season 6 sa Pasig City Sports Center.
Sa first quarter abante agad ng 11 points ang Cavaliers, humabol ang NHA at binaligtad ang sitwasyon sa second quarter , 46 – 39.
Hindi naman nagpasindak ang koponan ng mga sundalo at bumuwelta sa third quarter , 63 – 69. Sa last quarter, naka-tabla sa score na 80 points ang NHA sa last 4 minutes and 20 seconds ng ballgame. Naging mainit ang bakbakan sa mga huling sandali ng laban bago maubusan ng oras ang naghahabol na nha sa score na 96 – 89.
Tinanghal na best player of the game si Jerry Lumongsod na kumamada ng 19 points 5 rebounds, 3 assist at isang steal.
Bumawi mula sa nakadidismayang pagkatalo ang Senate Defenders noong nakaraang linggo matapos tambakan ang PDEA Drug Busters sa second game kahapon sa score na 96- 73.
Nanguna sa Defenders si Senator Joel Villanueva na may 22 points, isang assist at 2 steals kaya tinanghal na best player of the game.
Samantala, tinalo naman ng Malacañan – PSC Kamao ang GSIS Furies sa first game sa score na 75-72. Dahil sa panalo umangat sa 6-2 winloss record ang Kamao, kaagapay ng Senate Defenders at Judiciary Magis.
Habang ang Furies na may 5 panalo at 4 na talo ay nalagay naman sa must win situation sa next game sa linggo kontra NHA Builders upang umabante sa quarter finals.
Sa ngayon ay nangunguna ang AFP Cavaliers na may walong panalo at isa pa lamang na talo.
( Bernard Dadis / UNTV Correspondent )
METRO MANILA – Hindi na pina-isa ng Armed Forces of the Philippines (AFP) Cavaliers ang Judiciary Magis sa Game 2 ng best-of-three finals upang makuha ang ika-apat na UNTV Cup title.
Mula sa early lead ng Magis sa unang 6 na minuto ng first quarter, nabawi ito ng Cavaliers sa 8-0 run upang agawin ang liderato sa score na 13-11.
Magmula nito ay umalagwa na at lumayo ang lamang ng Cavaliers sa mga sumunod na quarter na hanggang tumunog ang final buzzer sa score na 79-63.
Dahil sa panalo, nakuha ng AFP ang Final Series sa 2-0 dahilan upang makuha ang championship sa pangunguna ng kanilang Finals MVP na si Darwin Cordero.
Bukod sa trophy, ₱3 million tax-free ang natanggap ng AFP Educational Benefit System Office na siyang beneficiary ng AFP samantalang ₱2 million naman ang mapupunta sa Judiciary Magis na itutulong sa mga empleyado ng hudikatura na nasalanta ng kalamidad.
(Judren Soriano | La Verdad Correspondent)
Nanatiling hawak ng AFP Cavaliers ang solong liderato sa nalalapit na pagtatapos ng second round eliminations ng UNTV Cup Season 7.
Ang Cavaliers na may pito ng panalo at isa pa lamang talo ay pinataob ang DA Food Masters sa score na 79-73. Best player of the game si Darwin Cordero na may 24 points 3 rebounds 2 assist at isang steal. Nabaon naman sa ilalim na pwesto ang Food Masters na may 3-6 win loss record.
Samantala, mahigpit namang nakakapit ang Malacañang-PSC Kamao sa ikalawang pwesto na may 6 ng panalo at isa pa lang na talo. Pinatumba ng Kamao ang PITC sa dikdikang sagupaan sa score na 69-64. Ito ang ika-apat na pagkatalo ng Global Traders na sa ika-anim na pwesto sa team standings matapos ang apat na sunod na panalo.
Best player of the game si Michael Ignario na may 15 points at ang bigman na si Martin Lloyd Antonio na may 16points.
Kinailangan naman ng overtime game upang gibain ng defending champion na Senate Defenders ang NHA Builders sa makapigil hiningang sagupaan sa score na 98-97.
Nanguna sa Defenders sina Marlon Legaspi na may 22points at si Harly na may 24 pts and 3 rebounds kaya tinanghal na best player of the game.
Dahil dito, umakyat sa ika-apat na presto ang Defenders na may lima ng panalo at habang nalaglag sa ikalimang pwesto ang NHA.
Tila nasayang naman ang double-double ni Mavin Mercado na may 28 points at 16 rounds.
( Bernard Dadis / UNTV Correspondent )
Hindi mailarawan ang katuwaan ng mga senador nang masungkit ng Senate Defenders ang kauna-unang kampiyonato sa UNTV Cup kontra Malacañang PSC Kamao.
Humanga naman ang ilang senador at maging si Special Assistant to the President Secretary Bong Go sa kakaibang konsepto ng pagtulong sa kapwa na ikinakampanya ng liga ng mga public servants.
Nagpapasalamat din si Go sa UNTV dahil sa napakalaking na tulong na naibahagi nito sa kanila lalong-lalo na sa mga napiling beneficiary.
Labis namang ipinagmalaki ang naging tagumpay, hindi lamang ng mga taga-suporta ng Senate Defenders, kundi maging ang buong Senado.
Kahapon, inisponsor sa plenaryo ni Senate Minority Leader Franklin Drilon ang resolusyon upang kilalanin ang pagkapanalo ng Senate Defenders sa UNTV Cup noong Lunes.
Lahat ng senador ay naging co-sponsor ng resolusyon at agad naman itong inaprubahan ng plenaryo.
( Nel Maribojoc / UNTV Correspondent )
