Tuloy ang pagbasa ng sakdal sa mga recruiter ng Pinay OFW na si Mary Jane Veloso para sa kasong human trafficking sa darating na Miyerkules, November 11, sa ganap na alas dyes ng umaga.
Ito’y makaraang hindi katigan ni Judge Nelson Tribiana ng Baloc Nueva Ecija RTC Branch 37 ang motion for bill of particulars na inihain ng abogado ng mga akusadong sina Maria Cristina Sergio at Julous Lacanilao.
Hinihiling sa naturang mosyon na linawin ng prosecution ang mga detalye ng kaso kung paanong ne-recruit, pinangakuan ng trabaho at ibyenahe patungong Malaysia si Veloso.
Ngunit ayon sa korte, nasagot na ang hinihinging detalye ng mga akusado sa isinumiteng comment at opposition ng prosecution.
Una nang ipinagpaliban mg korte ang arraignment noong September 18 dahil sa mosyon ng mga akusado.
Ayon naman sa abogado ni Veloso na si Atty.Edre Olalia, taktika lamang ito ng abogado ng depensa upang maantala ang paglilitis.
Samantala, itutuloy din sa Miyerkules ang pre-trial para sa mga kasong illegal recruitment at estafa na isinampa ni Veloso laban kina Sergio at Lacanilao.(Roderic Mendoza/UNTV Correspondent)
METRO MANILA – Suportado ni Bureau of Immigration (BI) Commissioner Jaime Morente ang isinasagawang imbestigasyon ni Senator Risa Hontiveros kasama ang komite ng Women, Children, Family Relations and Gender Equality hinggil sa pagkakadawit ng ilang kawani ng ahensya sa human trafficking.
Pahayag ni BI Commissioner Morente, hindi kukundinahin nila ang mga tiwaling kawani at papatawan ng nararapat na kaparusahan ang sinomang mapatunayang sangkot sa trafficking schemes.
Kaugnay nito, nasa 86 immigration officers na hinihinalang sangkot sa nasabing ilegal na aktibidad ang sinuspinde ng ahensiya batay sa isinagawang imbestigasyon ng Senate committee, DOJ, NBI at office of the Ombudsman.
Dagdag pa ng Commisioner,patuloy ang isinasagawa nilang internal checking sa mga
opisyales at manggagawa ng ahensiya upang masigurado ang kaligtasan ng ating mga kababayan sa ganitong klase ng krimen.
Batay sa ulat ng BI sa nakalipas na 2 taon (2019-2020), humigit sa 50,000 na mga Pilipino ang pinigilan sa pag-alis ng bansa kung saan ilan sa mga dahilan nito ay mga illegal recruitment at human trafficking.
(Kyle Nowel Ballad | La Verdad Correspondent)
Tags: human trafficking
Sinampahan na kahapon ng kasong syndicated illegal recruitment, estafa at trafficking in person ang walong opisyal at staff ng East Trans Global Manpower Consultants Incorporated.
Ang mga ito ay naaresto ng Criminal Investigation and Detection Group-Anti-Transnational Crime Unit (CIDG-ATCU) sa isang operasyon noong Biyernes ng hapon sa isang bahay sa Pasay City.
Dito tila ikinulong ng mga suspek ng apat na buwan ang mahigit 200 aplikante na nais na magtrabaho sa Saudi Arabia.
Ayon sa ilang biktima, hindi sila basta-basta makalabas sa naturang bahay. Stay-in umano sila habang hinihintay ang pangakong pag-alis ng mga recruiter upang makapagtrabaho sa ibang bansa.
Ngunit ayon kay CIDG-ATCU Chief PSupt. Roque Merdegia Jr., base sa dokumentong nakuha nila sa Philippine Overseas Employment Administration (POEA), suspendido na ang lisensya ng East Trans Global Manpower Consultants Inc., ngunit patuloy pa rin ang kanilang recruitment.
Hinihingan aniya ng hanggang 45 libong piso na processing fee ang mga biktima kapalit ng 23 libong piso na sweldo buwan-buwan bilang domestic helper sa Saudi.
Iniimbestigahan naman ng CIDG-ATCU ang pamemeke ng mga suspek sa edad ng mga aplikante dahil nakasaad sa ilang dokumentong nakuha nila na mayroong mga menor de edad sa mga ito
Nakapagtataka rin umano na lahat ng pasaporte ng aplikante sa inisyu ng Department of Foreign Affairs (DFA) Cotabato.
Muling paalala ng CIDG-ATCU, dumaan sa mga accredited recruitment agencies kung nais na makapagtrabaho sa ibang bansa upang makaiwas sa kapahamakan.
( Lea Ylagan / UNTV Correspondent )
Tags: CIDG, human trafficking, Makati
Nailigtas ang 139 na mga Pilipino matapos harangin ng mga kawani ng Philippine Coast Guard at National Bureau of Investigation ang passenger ship na “Forever Lucky.” Patungo sana sa Micronesia ang barko kaninang madaling araw.
Ayon sa Maritime Industry Authority (MARINA), walang permit to navigate ang nasabing sasakyang pang-dagat. Peke rin anila ang mga dokumentong ipinakita ng nasa 41 tripulante nito.
Iligal na ni-recruit ang mga Pilipinong lulan ng barko na galing pa sa iba’t-ibang mga probinsya sa Pilipinas at nakatakda sanang magtrabaho sa naturang sasakyang pangdagat.
Samantala, nasa kustodiya na ng PCG at NBI ang mga nahuling tripulante ng barko.
Tags: human trafficking, NBI, PCG
