Nakaupo sa gilid ng kalsada ng datnan ng UNTV News and Rescue Team ang apat na sakay ng isang tricycle na sugatan matapos banggain ng isang pang tricycle ang kanilang sasakyan sa Park Cabugwason, barangay Mansilingan, Bacolod City, alas tres noong Sabado ng madaling araw.
Nagtamo ng iba’t-ibang sugat at galos sa katawan sina Orenda Posadas, Ronald Posadas, Lovely Paragoya at Francis Pabuaya habang ligtas naman ang driver ng mga ito na hindi na nagbigay ng kaniyang pangalan.
Ayon sa mga biktima, papaliko na sila pa-kanan o kaliwa ng biglang silang banggain ng kasalubong na tricycle.
Agad namang nilapatan ng paunang lunas ng UNTV News and Rescue Team ang mga pinsalang tinamo ng biktima at pagkatapos ay dinala na ang mga ito sa Corazon Locsin Montelibano Memorial Regional Hospital.
Hindi naman na nagsampa ng reklamo ang mga biktima sa driver na nakabangga dahil madilim ang lugar at lubak-lubak pa ang kalsada na posible umanong naging sanhi ng aksidente.
Samantala, nirespondehan naman ng UNTV News and Rescue Team ang aksidente sa Kauswagan Cagayan de Oro City noong Byernes ng hapon.
Sugatan ang motorcycle rider na si Romnick Egol, 28 anyos matapos na bumangga sa likuran ng isang kotse na sinusundan nito.
Ayon sa mga nakasaksi, papaliko na sana upang magpark ang kotse nang mabangga ito ni Romnick. Ngunit ayon sa biktima, hindi umano nagbigay ng signal ang sasakyan kaya niya nabangga.
Agad namang nilapatan ng paunang lunas ng News and Rescue Team si Romnick na tumanggi nang magpadala sa ospital.
( Lalaine Moreno / UNTV Correspondent )
METRO MANILA – Aprubado ni Pangulong Rodrigo Duterte ang rekomendasyon ni National Task Force (NTF) Chief Implementer Carlito Galvez na ilagay sa mas mahigpit na quarantine restrictions ang Lanao Del Sur at Bacolod City dahil sa patuloy na pagtaas ng Covid-19 cases.
Mula sa Modified General Community Quarantine (MGCQ), sasailalim na sa Modified Enhanced Community Quarantine (MECQ) ang Lanao Del Sur samantalang mula General Community Quarantine (GCQ), MECQ na rin sa Bacolod City mula ngayong araw (September 8) hanggang sa katapusan ng Setyembre (30).
“Based on the recommendation of the NTF and also with consultation with the mayor of Bacolod City, the cases of Bacolod City is much higher than Iligan City who is also on MECQ.” Ani National Task Force Vs Covid-19 Chief Implementer, Sec. Carlito Galvez.
Liban sa 2 , nasa ilalim din ng MECQ ang Iligan City hanggang September 30.
Binabantayan din ng pamahalaan ngayon ang mga kaso sa General Santos City na balak ding personal na puntahan ng ilang miyembro ng gabinete sa susunod na Linggo.
Samantala, naniniwala naman si Pangulong Duterte na na-flatten na ang curve ng COVID-19 cases sa bansa at malaki ang naitulong ng pagsunod ng mga tao sa health measures na ipinatutupad ng gobyerno.
Gayunman, pinayuhan niya ang publiko na manatiling alerto, sundin ang health protocols at mag-ingat laban sa COVID-19 transmission.
“Remember that the lessening of contamination wala na masyadong tao nagkaroon ng COVID is not because COVID-19, the germ, is gone. It is there floating around us. Kaya lang ang mga tao sumunod na. Hindi humawak, alcohol kaagad. The mask was one important factor.” ani Pangulong Rodrigo Duterte.
(Rosalie Coz | UNTV NEWS)
Tags: Bacolod City, Lanao del Sur, MECQ
BUTUAN, Philippines – Nakahandusay sa kalsada ang isang lalaking motorcycle rider nang datnan ng UNTV News and Rescue team sa South Montilla Boulevard, Butuan City, noong Biyernes ng gabi.
Kinilala ang rider na si Jason Fermano na taga Amayahan, Agusan del Norte.
Nagtamo ito ng sugat sa iba’t-ibang bahagi ng katawan at pananakit balikat bunsod ng pagkakabangga sa center island ng kanyang minamanehong motorsiklo.
Kwento ng mga nakasaksi sa aksidente, mabilis umano ang pagpapatakbo ni Fermano habang binabaybay ang national highway na tila nakikipaghabulan sa ibang motorista.
Nagulat nalang ang mga tao sa lugar nang salpukin nito ang center island.
Matapos lapatan ng first aid ng UNTV Rescue si Fermano ay dinala na ito sa Butuan Medical Center upang masuri ng mga doktor habang kinuha naman ng mga pulis ang motorsiklo nito para sa safe keeping.
Para sa mga mangangailangan ng tulong ng UNTV News and Rescue makipag ugnayan lamang sa numerong 911-UNTV o 911-8688.
(Raymond Octobre | UNTV News)
Tags: aksidente, motorcycle accident, rescue, UNTV News and Rescue Team
NEGROS OCCIDENTAL, Philippines – Inalis ni Pangulong Rodrigo Duterte si Bacolod City Chief of Police Senior Superintendent Francis Ebreo sa pwesto dahil sa pagiging sangkot umano nito sa iligal na droga. Ginagawa aniyang miserable ni Ebreo ang buhay ng mga taga-Bacolod.
Sinabi ito ng Pangulo ang pahayag nang dumalaw ito sa Bacolod. Ayon sa Malacañang, nasa siyudad ang Punong Ehekutibo noong Sabado upang dumalo sa birthday celebration ng chief executive officer ng Vallacar Transit na si Leo Rey Yanson.
Batay sa mga ulat, nasa labas lamang ng venue ng celebration si Ebreo upang pangasiwaan ang pagbabantay sa seguridad nang gawin ng Punong Ehekutibo ang pahayag.
Bukod dito, pinatatalsik din ni Pangulong Duterte ang apat pang opisyal ng pulis. Ang mga naturang police official umano ang protektor ng sindikato ng iligal na droga sa siyudad.
Ayon naman kay Western Visayas Police Regional Office chief Superintendent John Bulalacao, agad niyang ni-relieve sa pwesto sina Ebreo at iba pang police official bilang pagsunod sa direktiba ng Pangulo at magsasagawa rin ng kaukulang imbestigasyon hinggil dito.
(Rosalie Coz | UNTV News)
Tags: Bacolod, Bacolod City, francis ebreo, sinibak
