9 patay sa magkasunod na suicide bombing sa Saudi Arabia

by Radyo La Verdad | July 5, 2016 (Tuesday) | 1976

Photo Courtesy: REUTERS

Siyam ang nasawi kabilang na ang tatlong suicide bomber sa dalawang pagsabog sa magkaibang lugar sa Saudi Arabia.

Naganap ang unang pagsabog sa labas ng isang mosque sa Medina alas siyete ng gabi kung saan namatay ang apat na pulis at dalawang sibilyan.

Makalipas ang ilang minuto, dalawang suicide bomber naman ang nagpasabog sa Qatif malapit sa isa pang mosque.

Wala namang naiulat na nasawi sa lugar.

Sa ngayon ay wala pang grupo na umaako sa mga pag-atake.

(UNTV RADIO)