Patuloy ang pag-iikot sa Calapan, Oriental Mindoro ng Provincial Disaster Risk Reduction and Management Office upang i-asses ang epekto ng pagbaha kagabi.
Bunsod ito ng pag-apaw ng ilog sa pangalaan at Bucayao na nagdulot ng hanggang bewang na tubig baha.
Sa ngayon bumaba na ang lebel ng tubig sa mga ilog ngunit siyam na barangay pa rin ang apektado ng hanggang tuhod na baha.
Kabilang sa mga ito ay ang barangay ng Bucayao, Buhuan, Panggalaan, Nagiba, Nagiba 1, Nagiba 2, Sta. Cruz, Navotas at ang Gutad.
Ang mga pangunahing kalsada abot na lang hanggang sa bukong-bukong ang baha.
Naglilinis na rin ang mga residente sa Calapan sa kanilang mga bahay na pinasok ng tubig baha kabagi.
Samantala, nasa sampung libong pamilya ang nanatili sa mga evecuation center sa Occidental Mindoro bunsod ng malawakang pagbaha na nararanasan sa probinsya ng Occidental Mindoro.
Ayon kay Occidental Mindoro PDRRMO Mario Mulingbayan, lampas tao at lubog sa tubig baha ang maraming bahay sa bayan ng Sablayan Abra de Ilog, Sta. Cruz at Mamburao.
Apektado rin ang maraming mga pananim sa probinsiya dahil inapawan na ito ng tubig. Hindi pa tiyak ng PDRRMO kung hanggang kailan huhupa ang tubig baha.
May mga lugar pa rin na hindi napapasok ng mga rescuer dahil sa lampas tao na tubig.
( Sherwin Culubong / UNTV Correspondent )
Tags: baha, Oriental Mindoro, PDRRMO
Nagsagawa ng site validation ang regional at provincial tourism office ng Oriental Mindoro sa mga lugar sa probinsiya na apektado ng oil spill, ito ay upang tingnan at alamin ang nararapat na tulong na dapat maibigay ng Department of Tourism.
Sa inisyal na tala, nasa 61 tourist sites sa oriental mindoro ang apektado na ng nangyaring oil spill. Habang 51 accomodation establishments din ang apektado, kung saan wala munang bookings at mga tourism activity upang maiwasan ang anomang banta mula sa oil spill.
Bunsod nito umabot na sa 977 individuals o tourism workers ang apektado na rin ang mga trabaho.
Ayon kay provincial tourism officer Don Calda, tinitingnan nila ngayon ang pagbibigay ng livelihood assistance at skills training sa mga apektadong manggagawa.
Sa kasalukuyan ipinagbabawal muna ang anomang water activities sa mga identified areas sa Oriental Mindoro na apektado ng oil spill.
Gadys Toabi | UNTV News
METRO MANILA – Napaulat na nasawi ang 16-anyos na binatilyo sa bayan ng Mandaon sa Masbate bago pa man manalasa ang Bagyong Ursula.
Papunta na sana sa evacuation center ang biktima nang makuryente ito matapos syang madikit sa nakalaylay na kawad ng kuryente.
Isa ang bayan ng Mandaon sa nagpatupad ng preemptive evacuation bago maramdaman ang Bagyong Ursula sa lalawigan
Sa huling tala ng Masbate Provincial Disaster Risk Reduction and Management Office (PDRRMO), 90 barangay ang apektado ng pananalasa ng Bagyong Ursula. Habang higit 7,000 mga residente na rin ang inilikas.
Sapat naman anila ang pangangailangan ng mga residenteng nananatili pa rin sa mga evacuation center.
Samantala Bagsak pa rin ang linya ng komunikasyon sa ilang mga lugar. Kaya’t pahirapan ang pagkalap ng datos ng PDRRMO tungkol sa iniwang pinsala ng bagyo.
Hindi pa rin naibabalik ang suplay ng kuryente sa malaking bahagi ng lalawigan simula ng maputol alas-12 ng hatinggabi araw ng Martes (Dec.24).
Sa Masbate City, may kuryente na simula umaga ng Miyerkules (Dec.25). 145 pasahero naman ang nananatiling stranded sa mga pantalan ng Cawayan, Cataingan at Masbate City.
(Gerry Galicia | UNTV News)
Tags: PDRRMO
Humina na ang hangin sa lungsod ng San Fernando, La Union at ambon na lang din ang nararanasan ngayong araw.
Wala ring naitalang casualty sa lalawigan batay sa ulat ng Provincial Disaster Risk Reduction and Management Office (PDRRMO).
Kumpara noong pananalasa ng Bagyong Ompong, mas kakaunti ang evacuees na inilakas sa mga paaralan.
Gaya na lamang sa Catbangen Elementary School kung saan umabot sa 800 pamilya ang inilikas noong Bagyong Ompong, ngunit ngayon ay nasa 50 na pamilya ang narito.
Kahapon ay nagkaroon ng pre-emptive evacuation sa 14 na coastal barangays upang masiguro na walang kahit isang masasalanta sa banta ng 3 meter storm surge sa La Union.
Pinaalalahanan ng PDRRMO ang mga magsasaka at mga may fish pond sa probinsya na habang hindi malakas ang pag-ulan sa probinsya ay i-harvest na nila ang kanilang mga pananim, maging iyong mga bangus at tilapya sa mga fish pond.
Inaasahan na mas magiging maayos na ang panahon ngayon araw dahil papalabas na ng bansa ang Bagyong Rosita sa Philippine area of responsibility (PAR).
( Aiko Miguel / UNTV Correspondent )
Tags: Bagyong Rosita, La Union, PDRRMO
