METRO MANILA -Binayo ng ilang oras na malalakas na hangin ang Capiz nang manalasa ang Bagyong Ursula Kahapon (Dec. 25). Ilang mga bahay rin ang nawalan na ng bubong.
8 na ang nasawi habang 6 ang nawawala sa Western Visayas dahil sa Bagyong Ursula. Ilan sa mga biktima ay mula sa Iloilo at Capiz base sa report ng Department of the Interior and Local Government Western Visayas.
Lumubog sa baha ang mga unang palapag ng mga bahay at sasakyan sa President Roxas, Capiz. Ang ilang residente nasa bubong na ng kanilang bahay. Ang mga alagang hayop natagpuan na ring patay matapos malunod.
Buong lalawigan ng Aklan at ilang lugar sa Capiz, Antique at Iloilo ang wala pa ring suplay ng kuryente. Pahirapan rin sa linya ng komunikasyon.
Sa ngayong nasa 1,000 pamilya o mahigit 4,000 indibidwal naman kasalukuyan ay nasa mga evacuation centers na. Sapat naman umano ang relief goods ng Department of Social Welfare and Development (DSWD) para sa mga ito.
“Initially we can provide them as long na may request na sila or augmentation since ang mga LGU natin may ari man sila stock pile “ ani DWSD 6 Division Chief, Luna Moscoso.
Nagsasagawa na rin ng assessment ang mga otoridad ang Northern Iloilo, Capiz at aAklan kung saan lubhang naapektuhan ng bagyo.
(Lalaine Moreno | UNTV News)
Tags: Western Visayas
METRO MANILA – Bahagyang tumaas ang minimum wage sa National Capital Region.
Nasa P570 na ang matatanggap ng mga manggagawwa sa non-agriculture sector sa isang araw habang P533 naman sa agriculture sector.
Tumaas ito ng P33 matapos aprubahan ng Regional Tripartite Wage ang Productivity Board sa Metro Manila ang petisyon para itaas ang sahod sa rehiyon.
Itinaas naman mula P55 – P110 ang minimum wage sa Western Visayas.
Ngunit, ayon sa Trade Union Congress of the Philippines (TUCP), masyadong maliit ang inaprubahang umento sa sahod.
Ayon sa TUCP panandaliang ligaya lamang ang pagtaas ng minimum wage dahil babawiin lang din naman ito ng mga nakaambang dagdag-presyo sa mga pangunahing bilihin at serbisyo.
Dagdag pa ng labor group, dapat nang amiyendahan ang Wage Rationalization Act of 1989 dahil mabagal ang proseso bago pa maaprubahan ang wage increase orders.
Mas maganda rin aniyang iisa na lamang ang wage board para sa buong bansa at hindi hiwalay sa bawat rehiyon.
Dapat din aniyang masiguro na nasa living wage ang sahod na matatanggap ng bawat manggagawang Pilipino lalo sa kinakaharap na krisis na pagtaas ng mga presyo.
Samantala, tiniyak naman ng Department of Labor and Employment (DOLE) na aaprubahan na rin ang umento sa sahod para sa iba pang rehiyon.
Inaasahang ilalabas na ito sa mga susunod na araw.
Tags: NCR, wage increase, Western Visayas
Paiigtingin pa ng Bureau of Fisheries and Aquatic Resources (BFAR) ang kampanya laban sa mapaminsalang paraan ng pangingisda sa Western Visayas.
Ito ay matapos amyendahan ang ahensya ang Fisheries and Aquatic Resources Order No. 246 kung saan ipinagbabawal ang holbot-holbot fishing.
Sa ilalim nito, huhulihin na ang sinoman na makikitang mayroong danish seine or modified danish seine o tinatawag na holbot-holbot or buli-buli at iba pang katulad nito.
Ang holbot-holbot ay isang uri ng fishing net na malawak at mas malalim ang naabot kesa sa normal na lambat. Kaya naman nakakasira ito sa coral reefs at iba pang marine habitat.
Ang mahuhuling gumagamit nito ay pagbabayarin ng limang beses na halaga sa nakuhang isda o hanggang dalawalang milyong piso.
Pagmumultahin din ng 20,000 piso bawat violator at kukumpiskahin ang lahat ng nakuhang isda, lambat at iba pang gamit sa pangingisda.
Maari din silang makulong ng dalawa hanggang sampung taon at hindi na papayagang makakuha ng permit mula sa BFAR.
( Lalaine Moreno / UNTV Correspondent )
Tags: BFAR, hulbot-hulbot, Western Visayas
Tataas na ang arawang sahod ng mga manggagawa sa Western Visayas simula bukas. Ito ay matapos aprubahan ng National Wages and Productivity Commision ang petisyon para sa wage increase noong ika-8 ng Hunyo.
Mula sa kasalukuyang P323.50, magiging P365 na ang daily minimum wage ng mga manggagawa sa non-agriculture, industrial at commercial sector. P295 naman matatanggap ng mga manggagawa sa agriculture sector mula sa dating P271.50 kada araw.
Ang mga nasa plantasyon ng agricultural sector naman na sumasahod ng P281.50 ay makakatanggap na ng P295 kada araw.
Isa sa naging basehan ng kagawaran sa pagbibigay ng dagdag sweldo ay ang poverty threshold na P289 kada araw kung saan wala nang maiuwing kita ang mga minimum wage earner sa kanilang pamilya dahil sa pagtaas ng mga bilihin at basic commodities.
Maari namang sampahan ng criminal complaint ng DOLE ang mga kumpanya na hindi magpapatupad ng dagdag sahod habang may karapatan naman ang mga ito na umapela sa desisyon.
Maari namang maghain ng petisyon ang mga kumpanyang walang kakayanan magtaas ng sahod, bagong establishments at mga apektado ng kalamidad o sakuna.
Samantala, sa buwan Nobyembre ang pa magiging epektibo ang dagdag sahod ang mga manggagawa sa probinsiya ng Aklan dahil sa ipatutupad na moratorium.
Ito ay upang makabawi ang mga kumpanya sa kanilang lugi sa anim na buwang Boracay closure.
( Lalaine Moreno / UNTV Correspondent )
Tags: dagdag sahod, DOLE, Western Visayas
