Ang barangay Laiban ay isang bulubunduking komunidad sa Tanay, Rizal. Kinakailangang magbyahe ng tatlong oras sakay ng jeep at habal-habal upang makarating sa lugar mula sa bayan ng Taytay.
Dahil dito, problema ng mga residenteng nagkakasakit ang pagpapatingin sa doktor dahil walang mga ospital o klinika sa lugar at kinakailangan pang magbyahe ng malayo at gumastos ng malaki. Mayroon umanong pumupuntang doktor sa lugar paminsan-minsan ngunit hindi lahat ay na-aaccomodate ng mga ito. Kaya naman ito ang lugar na napili ng UNTV at Members Church of God International upang pagdausan ng libreng medical mission at iba pang serbisyo.
Nagpasalamat din ang mga residente dahil kamakailan ay pinagkalooban ng Bangko Sentral ng Pilipinas ng libreng school supplies ang mga estudyante sa laiban National High School. Ito’y matapos mapanuod ang balita ng UNTV noong June 8 tungkol sa pinagdaraanan ng mga estudyante rito upang makatapos lamang ng pag-aaral.
Umabot sa mahigit pitong daan ang napaglingkuran sa iba’t-ibang medical at dental services at legal consultation.
(Jennica Cruz / UNTV Correspondent)
Tags: medical mission, Tanay Rizal, UNTV at MCGI
RIZAL, Philippines – Napagbigyan sa ikatlong pagkakataon ang hiling ng isang warden na si Jail Inspector Joey Doguilles na magkaroon ng medical mission ang UNTV at Members Church of God International sa San Mateo Municipal Jail. Ito ay upang mabigyang lunas ang mga sakit na karaniwang iniinda ng mga nakapiit dito gaya ng ubo sipon, hypertension at mga sakit sa balat.
Ayon kay Jail Inspector Joey Doguilles, “I was so amazed na Ang Dating Daan, UNTV napakasipag ninyong lahat. Sa lahat siguro ng mga service provider, wala akong masasabi.”
Isa sa mga natulungan ay si Kuya Atom at Roland na nagpapasalamat dahil kahit wala ng dumadalaw sa iba nilang kasama, may nakakaalala pa rin sa kanilang sitwasyon sa piitan kahit hindi nila kamag anak.
“Malaking tulong po ito sa mga katulad naming PDL o Persons deprived of liberty. Karamihan po rito kasi walang dalaw, kaya itong ibinibigay ng mga service provider katulad ng Dating Daan. Sila na po yung gumagawa ng paraan para makatulong sa katulad naming kapos palad dito.” Ani Kuya Atom.
“Ano po, lahat po sila tuwang-tuwa, dahil po magkakaroon sila ng pagkakataon na maipakonsulta po yung kung ano man po yung nararamdaman nila.” Ayon naman kay kuya Ronald, isa sa mga Persons deprived of liberty.
Umabot sa mahigit tatlong-daan ang napaglingkuran sa iba’t ibang medical, dental services, optical services na may kasamang libreng salamin at mga laboratory tests gaya ng ECG at ultrasound.
“Maraming salamat po, unang-una sa Ang Dating Daan Foundation, at sa UNTV. Binigyan tayo ng pagkakataon na magkakaroon sila ng medical mission sa ating kulungan. Dito sa BJMP San Mateo Municipal Jail. Ito ay hindi lang una, kundi taon-taon po na nagka-conduct sila ng medical mission dito po sa kulungan na ito.” dagdag ni J/Insp. Joey Doguilles, Warden, San Mateo Jail.
(Jennica Cruz | UNTV News)
Tags: MCGI, medical mission, San Mateo Municipal Jail, UNTV
Dalawang magkahiwalay na medical mission ang isinagawa ng Members Church of God International (MCGI), Kamanggagawa Foundation Incorporated (KFI) at UNTV sa lalawigan ng Rizal.
Ika-25 ng Oktubre nang bisitahin ng grupo ang mga residente sa Brgy. Quisao sa Pililia, Rizal.
Isa sa mga naging benipisyaryo ng libreng serbisyo si Roberto Valenzuela, isang mangingisda at part time barangay tanod. Doble-kayod si Mang Roberto dahil sa hirap aniya ng buhay.
At sa kabila ng dalawang hanapbuhay, hindi pa rin sapat ang kaniyang kinikita sa kanilang pangangailangan lalo na sa gamot kapag nanghihina na ang kaniyang katawan sa sobrang pagod. Malaking bagay aniya na may mga grupong nagkakaloob ng mga libreng serbisyo para sa mga mamamayan.
Umabot sa 1,150 ang naging benipisyaryo ng libreng medical, pediatric at dental check-up at iba pang laboratory tests gaya ng ECG at CBG sa public service ng grupo.
Samantala, binisita rin ng grupo ang mga estudyante at kanilang mga pamilya sa Mahabang Parang National High School sa Binangonan, Rizal.
Ayon sa punong guro ng paaralan, karaniwang dinaramdam ng mga estudyante rito ang pananakit ng ngipin at vitamin deficiency.
Umabot naman sa 1,181 ang napaglingkuran ng grupo sa pagbisita sa naturang paaralan.
( Jennica Cruz / UNTV Correspondent )
Tags: medical mission, Rizal, UNTV at MCGI
Bukod sa mga barangay at mga bayan na dinadayo ng Members Church of God International (MCGI), Kamanggagawa Foundation Incorporated (KFI) at UNTV upang maghatid ng libreng medical mission, regular ding pinupuntahan ng grupo ang mga bilangguan sa bansa upang maghatid ng serbisyong medikal.
Tulad na lamang sa Bureau of Jail Management and Penolgy (BJMP) sa Sta. Rosa, Laguna kung saan mahigit apat na raang persons deprived of liberties (PDL) ang napagserbisyuhan ng grupo.
Kabilang sa mga ito sila Nilo at Miko na idinadaing ang pananakit ng kanilang mga likod dahil sa ilang linggo ng walang tigil na pag-ubo. Binigyan sila ng mga gamot at bitamina matapos silang masuri ng doktor.
Ayon kay Jail Chief Inspector Erwin Breis, bukod sa ubo, karaniwan ding sakit ng mga PDL ay sakit sa balat bunsod ng labis na siksikan sa mga selda.
Mayroon ding mga nagpabunot ng ngipin at nabigyan ng ibang medical services tulad ng ultra sound, ECG at random blood sugar.
Sinamantala din ng mga inmates na komunsulta sa abogado na kasama ng grupo.
( Sherwin Culubong / UNTV Correspondent )
Tags: MCGI, medical mission, Sta. Rosa City Jail
