Pinagbabaril ng riding in tandem ang anim na taong umano’y nag-iinuman sa isang tarima sa Tugatog Cemetery, Malabon City pasado alas dose kaning madaling araw.
Dead on the spot si alyas Peter bakla habang dead on arrival sina Edmond Otico at Edmer Otico sa Tondo General Hospital.
Naisugod pa sa ospital sina Fe Nicanor, Myrna Zulueta at Socoro Reyes sa Jose Reyes Memorial Medical Center subalit binawian din ito ng buhay pasado alas tres ng madaling araw.
Ayon kay Malabon Police Senior Inspector Joseph Gordobes, isang riding in tandem ang namaril sa mga biktima.
Narecover naman ng SOCO ang mga basyo ng bala at papel kung saan nakasulat ang “drug pusher ako wag tularan.”
Subalit giit ng kaanak ng isa sa biktima, hindi adik o pusher ang kanyang nanay na si Socoro dahil isa lamang itong masahista.
Isa rin sa napaslang ang ina ni alyas Buboy na umano’y nakikipaginuman lang sa lugar.
Hindi aniya niya alam kung ano ang motibo ng mga suspek dahil wala umanong kaaway ang kanyang ina at pagbabantay lang ng nitso ang trabaho nito.
Gayun din ang pagkakakilala ng isang tanod sa mga biktima na umano’y mga nangangalakal lang ng basura at pedicab driver sa lugar.
Sa ngayon ay inaalam pa ng otoridad ang pagkakakilanlan ng mga suspek.
(Macky Libradilla / UNTV Correspondent)
Tags: 6 patay, Malabon City, pagbabarilin ng riding in tandem
