METRO MANILA – Nananatili ang target na paglago ng ekonomiya ng Pilipinas para sa taong ito ayon sa economic managers ng administrasyon ni Pangulong Bongbong Marcos Junior.
Six hanggang seven percent ang growth targets ng Development Budget Coordination Committee (DBCC) para sa 2023.
Nakabatay ito sa 5.5% na antas ng paglagong naitala mula buwan ng Enero hanggang Setyembre.
Isang inter-agency body ang DBCC na may mandatong tukuyin ang macroeconomic assumptions ng pamahalaan.
Binubuo ito ng Department of Finance, Department of Budget and Management, National Economic and Development Authority at Office of the President.
Samantala, adjusted naman ang growth target ng DBCC para sa taong 2024.
Mula sa dating range na 6.5% hanggang 8.0%, nilimitahan ito sa 6.5% hanggang 7.5%.
Samantala, inaasahan naman ang 6% na average inflation rate para sa taong ito.
Tags: DBCC, PH Economy
METRO MANILA – Ipinagtanggol ng mga kongresista ang foreign trips ni Pangulong Ferdinand Marcos Junior.
Ito ay matapos ang paratang ni Dating Pangulong Rodrigo Duterte na namamasyal lamang si PBBM sa ibang bansa.
Sa gitna ito ng pagbiyahe ng pangulo sa Germany at Czech Republic para sa working visits.
Ayon sa ilang ranking lawmakers, iba-iba ang estratehiya ng mga presidente.
At ang pagdayo sa ibang bansa ni PBBM ay para sa ikauunlad ng ekonomiya ng Pilipinas.
Aniya, mas mainam kung susuportahan na lang ang kasalukuyang administrasyon.
Ngayong Linggo, bumisita ang Pangulong Marcos Junior sa Germany at Czech Republic.
Naniniwala ang presidenteng malaki ang maitutulong ng 2 bansa upang palakiin ang industriya ng Pilipinas.
Tags: Foreign trips, PBBM, PH Economy
METRO MANILA – Naniniwala si Pangulong Ferdinand Marcos Junior na susi sa pag-unlad ng Pilipinas ang pakikipagkalakalan sa ibang mga bansa.
Ito binigyang diin ni Pangulong Ferdinand Marcos Jr sa harap ng mga miyembro ng Filipino Chamber of Commerce of Honolulu at Honolulu City Council Trade Mission sa Malacanang kahapon (Feb. 22).
Ilang hakbang na ang isinulong ng Marcos government upang mapaluwag ang foreign investments, tulad na lamang ng pag amiyenda sa public service act, foreign investments act at retail trade liberalization act.
Pinatitignan na rin ng pangulo sa Senado kung papaano aamiyendahan ang Economic Provisions ng 1987 constitution na inaasahang magbibigay daan ng mas maraming pamumuhunanan.
Suportado naman ni Pangulong Marcos ang trade mission ng Hawaii sa Pilipinas at kinikilala ang maaaring maging ambag nito sa ekonomiya ng Pilipinas.
(Nel Maribojoc | UNTV News)
Tags: PBBM, PH Economy
METRO MANILA – Bumagal sa 4.1% ang inflation rate o ang bilis ng pagtaas ng presyo ng mga bilihin at serbisyo sa bansa noong Nobyembre.
Ayon sa Philippine Statistics Authority (PSA), kahit na mataas ang presyo ng bigas, iniuugnay ang pagbagal ng inflation rate sa pagbaba ng presyo ng food at non alcoholic beverages, tulad na lamang ng gulay.
Dagdag pa ng PSA, ang pagbaba rin ng halaga ng produktong petrolyo ay nag-ambag rin kaya bumagal ang inflation.
Pagtitiyak ni National Economic and Development Authority (NEDA) Director General at Socioeconomic Planning Secretary Arsenio Balisacan, patuloy na imo-monitor ng pamahalaan ang bilis ng antas ng pagtaas ng presyo ng mga bilihin gayundin ang halaga ng mga serbisyo sa gitna ng banta ng geopolitical tensions at pabago-bagong klima o climate change na nagdudulot ng kawalan ng katiyakan sa maaaring maging epekto nito sa galaw ng presyo ng mga bilihin.
Naniniwala ang NEDA na epektibong mapapangasiwaan ng pamahalaan ang inflation at maiiwasan ang pagtaas ng presyo ng bilihin sa pamamagitan na rin ng tama at napapanahong pagpapatupad ng trade policy.
Tags: inflation, NEDA, PH Economy, PSA
