Apat na tindahan sa bahagi ng Litex Commonwealth Avenue sa Quezon City ang nabangga ng isang pampasaherong bus pasado ala una kaninang madaling araw.

Nagtamo ng sugat sa iba’t ibang bahagi ng katawan ang limang tindero at tindera na kinilalang sina John Rey at Jubita Padrinas, Sammy Peguracion, Angelenia Campimia at Noralyn Gumana.

Agad namang binigyan ng pang unang lunas ng Barangay Commonwealth Rescue ang mga minor injuries ng mga biktima.

Ayon sa konduktor, nasiraan ang kanilang bus kung kaya ipinahila ito sa towing truck.

Nang hinahatak na ang bus ay bigla umanong may nag-cut sa towing truck dahilan upang mawalan ng control ang driver nito.

Dito na kumalas ang bus hanggang sa mabangga na nito ang mga tindahan.

Tinatayang aabot sa dalawang daang libong napinsala na mga ari arian habang inaalam na ng traffic sector ang sanhi ng aksidente.

(Reynante Ponte / UNTV Correspondent)

Tags: 5 sugatan, mga tindahan sa Quezon City, pampasaherong bus