5 patay sa paglubog ng migrant boat sa Mediterranean Sea

by Radyo La Verdad | May 26, 2016 (Thursday) | 2729

Migrant boat na lumubog sa Mediterranean Sea(REUTERS)

Lima ang nasawi matapos lumubog ang punong-punong migrant boat sa Mediterranean Sea.

Sa larawan na kuha ng Italian sailors makikita ang mga taong nakakapit sa nakatagilid ng migrant habang ang ilan ay tuluyan ng lumubog sa tubig.

Makalipas ang ilang minuto ay tuluyan ng lumubog ang migrant boat samantalang palutang-lutang sa karagatan ang iba pa nitong pasahero.

Kaagad namang tinapunan ng life jackets at sinagip ang mga sakay ng lumubog na migrant boat ng Italian Navy Ship.

Ayon sa Italian navy nasa 562 migrants ang kanilang narescue.