METRO MNILA – Maipagpapatuloy at mapapabuti pa ang Pantawid Pamilyang Pilipino Program (4Ps) kung maitutuwid ang mga pagkukulang.
Ayon kay Senator Sherwin Gatchalian, halos 50% ang tagumpay ng 4Ps sa edukasyon ngunit hindi epektibo sa pagiibsan ng kahirapan.
Ire-require ng Senador ang DSWD na magsumite ng mga pag-aaral sa epekto ng 4Ps sa 4.4 milyong benepisyarong nakatatanggap ng P2,000 hanggang P4,000.
Aniya, hindi sapat na nakapagtapos lang ng high school, kundi dapat ay college at dapat may trabaho at kailangang palakasin ang livelihood component ayon sa initial niyang analysis.
Dagdag nito, nangangailangan ng dagdag na badyet ngunit hindi dapat lumpsum allocation, 1 sa 10 benepisyaro lamang ang nagiging matagumpay.
Ang sa RA 11310 o ang 4Ps law ay ipinatutupad ng Department of Social Welfare and Development (DSWD). Layunin nitong mawakasan ang sali’t-saling lahi ng kahirapan sa pamamagitan ng pagtulong sa mga magulang na ibahin ang paraan ng pamumuhay at maglaan para sa hinaharap ng kanilang mga anak.
(Ritz Barredo | La Verdad Correspondent)
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Nanawagan ang Department of Social Welfare and Development (DSWD) sa publiko na wakasan na ang child labor.
Ayon kay Maribel Barcenas isang shield against child labor national focal ng DSWD, paigtingin ng kagawaran ang kampanya laban sa child labor sa pamamagitan ng pagpapatuad ng komprehensibong programa para sa mga kabataang Pilipino.
Hinihikayat din ang bawat Pilipino na bigyan ang bawat bata ng karapatan na mabuhay nang malaya at ligtas mula sa anomang uri ng child labor.
Tags: Child Labor, DSWD
