Patuloy na nadaragdagan ang mga nasawi sa pagdaan ng severe tropical storm Vinta sa Mindanao.
Sa pinakahuling ulat ng Police Regional Office 9, umakyat na sa 46 ang namatay, 9 ang nasugatan habang nasa 81 pa ang nawawala.
3, 725 naman na mga residente ang lumikas. Maraming bahay, ari-arian ang at mga pananim ang nasira.
Karamihan sa mga nasawi kasama ang tatlong buwan na sanggol ay dahil sa matinding baha bunsod ng biglang pagbuhos ng malakas na ulan kasama ang malakas na hangin.
Pinaka naapektuhan ng bagyo ay ang probinsya ng Zamboanga del Norte partikular na ang mga munisipalidad ng Sirawai, Sibuco, Siocon, Salug, Sindangan, Labason, Gutalac, Leon Postigo at mga lungsod ng Dapitan at Dipolog.
Samantalang sa Zamboanga Sibugay, ang munisipalidad ng Kasabalan ang pinaka naapektuhan kung saan tatlo ang namatay at isa ang nawawala.
Patuloy naman ang ginagawang search and rescue operations para sa mga nawawala. Gayundin ang relief operations ng mga local government units, at mga otoridad para sa mga pamilyang nanatili pa rin sa mga evacuation centers.
Ito na ang pinakamapaminsalang bagyo na dumaan sa rehiyon kumpara nitong mga nagdaang taon.
Matatandaang mahigit sampu rin ang namatay sa lugar karamihan sa Zamboanga City dahil sa tuloy-tuloy na pag-ulan noong nakaraang Oktubre.
( Dante Amento / UNTV Correspondent )
Tags: bagyong Vinta, patay, ZAMBOANGA
Inilunsad ng Zamboanga City Police Office (ZCPO) ang “Oplan Visita Casa” o House Visitation kasunod ng naitalang 52 na kaso ng panggagahasa sa probinsya simula Enero ngayong taon.
Ayon kay ZCPO PIO PLt. Col. Paul Andrew Cortes nitong Huwebes, ang mga naitalang insidente ng panggagahasa ngayong taon ay mataas ng 13 kumpara sa 39 na kaso sa kaparehong panahon noong 2022.
Sa ilalim ng operational plan, sinabi ni Cortes na ang lahat ng Police Stations sa Zamboanga City ay inatasang magsagawa ng house visitation para i-monitor ang kalagayan at sitwasyon ng mga pamilya sa iba’t ibang barangay.
“Ang Oplan Visita Casa ay batay sa hawak na mga record ng iba’t ibang barangay kung saan tutukuyin ng mga pulis ang mga indibidwal na may mga kaso ng harassment, misdemeanor, at iba pa,” ani ZCPO PIO PLt. Col. Paul Andrew Cortes.
Dagdag pa ni Cortes, na karamihan sa mga rape victim ngayong taon ay mga menor de edad at “ang mga suspek ay may kaugnayan sa mga biktima”.
(Jeth Bandin | La Verdad Correspondent)
ZAMBOANGA | Isang Improvised Light Chamber Disinfectant (ILCD) ang naimbento ng ilang guro para maging ligtas sa virus ang mga modules bago ipamahagi sa mga magulang at magaaral ng Kabasalan National High School Zamboanga, Sibugay.
Dadaan din sa nasabing makina ang mga modules bago naman ibalik sa mga guro, sa loob lamang ng pitong minuto gamit ang mercury light chamber nito, sa akmang temperatura ay kaya nang patayin ang Covid-19 virus, ayon sa World Health Organization.
Bukod dito maging ang mga nabasang modules ay dagli ding matutuyo dahil sa init nito upang magamit muli ng mga mag-aaral.
Ang malikhaing obra na ito ay inimbento nina teacher Alden Aure, Rodelo Eulogio, Almond Montegrejo, Julius de Asis at Engr. Dennis Antiguan.
(MJ Fiel | UNTV News)
Tags: Improvised Light Chamber Disinfectant, modules, ZAMBOANGA
METRO MANILA – Nadagdagan pa ang bilang ng mga lugar na isasailalim sa General Community Quarantine (GCQ) simula sa June 1 – 15, 2020 matapos umapela ang ilang lokal na pamahalaan sa Inter-Agency Task Force (IATF) Kontra COVID-19.
Inanunsyo ni Presidential Spokesperson Harry Roque na kabilang na dito ang buong Region VII o Central Visayas kung saan kasama ang mga siyudad ng Cebu at Mandaue City, Gayundin ang Zamboanga City sa Mindanao.
Bukod ito sa una nang inanunsyo ni Pangulong Rodrigo Duterte noong Huwebes na sasailalim sa GCQ gaya ng National Capital Region, Pangasinan, Regions Ii, III, at IV-A at Davao City.
Karamihan naman ng mga lugar na hindi nabanggit ay sasailalim na sa Modified General Community Quarantine (MGCQ) simula sa susunod na buwan.
Simula ngayong Lunes, 2 Uri ng Community Quarantine na ang Iiral sa bansa: ang General Community Quarantine kung saan mas maraming sektor ng ekonomiya ang makakabalik na sa operasyon at ang Modified General Community Quarantine (MGCQ) na transition naman patungo sa new normal.
Samantala, kaugnay naman ng hindi pagpahintulot na makabiyahe na ang traditional jeepney sa NCR sa kabila ng balik-operasyon na ang karamihang industriya, tiniyak ng Malacañang na pinag-aaralan ng IATF kung papaano magagamit ang mga ito kaalinsabay ng pagtitiyak ng social distancing at health protocol.
Batay SA ABISO NG Transportation Department, by phases ang pagbabalik-operasyon ng mass transport sa NCR.
“Pasensya na po sa ating mga kapatid na namamasada ng mga jeepney, pero pinag-aaralan pa po kung papaano magkakaroon ng social distancing sa ating mga jeepney. bagaman mayroon na po tayong bahagyang pagbukas o pagpayag sa mga. pampublikong transportasyon, ang pangunahing guidelines po diyan social distancing” ani Presidential Spokesperson Sec. Harry Roque.
(Rosalie Coz | UNTV News)
Tags: Central Visayas, GENERAL COMMUNITY QUARANTINE, ZAMBOANGA
