METRO MANILA – Naniniwala ang nasa kalahating bilang ng mga Pilipino na mas gaganda ang kalidad ng kanilang buhay sa susunod na 12 buwan o bago matapos ang taon.
Batay sa pinakahuling survey na isinagawa ng Social Weather Stations (SWS) mula June 28 hanggang July 1 ngayon taon, 46% ng mga adult Filipino ang nagsabing mas bubuti ang kalidad ng kanilang buhay, 44% ang nagsabing hindi magbabago ang kanilang quality of life.
5% naman ang nagsabing mas sasama ito sa loob ng susunod na 12 buwan.
Ang natitirang 5% naman sa 1,500 respondents ay hindi nagbigay ng kanilang sagot.
Ayon sa SWS, mas tumaas ang net optimism score na nakuha mula sa survey ay nasa +41 at ikinokonsidera na excellent sa kanilang criteria.
