Huli sa buy bust operation ng mga operatiba ng Manila Police District Station 6 ang apat na kabataang lalaki sa Sta.Ana Manila kagabi.
Nakumpiska sa mga suspek ang 7 na sachet ng hinihinalang marijuana, tester pipe at isang balisong.
Mahaharap sa mga kasong paglabag sa Republic Act 9165 o Comprehensive Dangerous Drugs Act of 2002 at COMELEC gun ban ang mga nahuling kabataan.
Nababahala din ang mga otoridad dahil pabata ng pabata ang mga nalululong sa droga at maging ang mga nagtutulak nito.
Aminado naman ang mga kabataan na gumagamit sila at nagbebenta ng marijuana.
Nagsisisi na umano sila lalo pat ang isang sa kanila ay anak ng isang barangay kagawad.
Sinabi din ni Supt.Domingo na malaking kabawasan sa kanilang problema ang pagkakahuli ng apat, dahil maging ang ilang krimen na resulta ng droga gaya ng robbery holdap, snatching, nakawan at rape ay mababawasan sa kanilang nasasakupan.
(Benedict Galazan / UNTV Correspondent)
Tags: 4 na kabataan, buy bust operation, marijuana, Mga pulis, nagbebenta, Sta. Ana Maynila
Nagtuturuan ang dalawang kabataang sa Quezon City kung sino ang may-ari ng kaha ng sigarilyo na naglalaman ng hinihinalang shabu nang maaresto sila sa buy bust operation ng Quezon City Police District Station 3 sa tapat ng isang fast food chain sa Barangay Culiat sa Quezon City, alas nuebe y medya kagabi.
Ayon sa PNP, nakabili umano ng shabu ang kanilang operatiba sa isa sa mga suspek na si Yassher Logan, pero itinanggi naman ito ni Yassher. Sinabi niya na inaya lang daw siyang sumama ng kaibigan niyang si Julhamin Isla. Sagot naman ni Isla, inaya lang din daw siya ni Yassher na bibili sa fastfood chain.
Narekober sa mga suspek ang sampung gramo ng hinihinalang shabu na nagkakahalaga ng animnapung libong piso.
Samantala, tatlo naman ang naaresto sa buy bust operation ng QCPD Station 7 sa Donya Soledad Avenue Extension, Barangay Don Bosco, Paranaque City.
Unang nagtransaksyon ang mga suspek at ang nagpanggap na buyer sa Cubao sa Quezon City pero nagbago umano ang isip ng mga suspek at nag-aya sa isang mall sa Paranaque.
Kinilala ang mga suspek na sina Herna Tammyang alyas “Ayang”, ang lider ng grupo, Fatma Saabdulama alyas “Fat” at Hassan Taman alyas “Nur”.
Narekober sa mga suspek ang apat na sachet ng hinihinalang shabu na naglalaman ng 200 gramo na street value na 1.36 milyong piso, dalawang pirasong 1,000 pisong bill buy bust money, dalawang cellphone at 150 piraso ng budol money.
( Gerry Galicia / UNTV Correspondent )
Agad na inaresto ng Quezon City Police District (QCPD) Station 7 ang mag-live in partner na sina Melchor Guadiz at Olga Macabangon nang makabili ng limang daang pisong halaga ng shabu sa kanila ang pulis na nagpanggap ng buyer sa Barangay Soccoro, Quezon City alas otso kagabi.
Ayon sa QCPD, matagal na nilang minamanman ang dalawa na umanoy supplier ng droga sa ilang lugar sa Cubao.
Nang kapkapan ang suspek, nakuha sa mga bulsa nito ang dalawang cellphone, dalawang coin purse na naglalaman ng labing pitong sachet ng hinihinalang shabu at limang daang pisong marked money. Sa kabila nito, todo tanggi pa rin ang mga suspek.
Ayon sa PNP, nakulong na si Melchor Guadiz sa kasong robbery-hold up at nakalaya noong taong 2016.
Sa ngayon, patuloy pa ang ginagawang pagtugis ng PNP sa supplier ng mga suspek na taga-Cavite.
( Gerry Galicia / UNTV Correspondent )
Tags: buy bust operation, droga, QCPD
Muling nagbitiw ng kontrobersyal na pahayag si Pangulong Rodrigo Duterte nang pangunahan nito ang pagkilala sa mga ahensya ng pamahalaan, opisyal at empleyado bilang bahagi ng Association of Southeast Asian Nations (ASEAN) National Organizing Committee (NOC) sa Malacañang kahapon.
Ayon sa punong ehekutibo, upang manatiling gising sa hectic schedule ng ASEAN Summits, gumamit umano siya ng marijuana.
Gayunman, nang klaruhin ng media kung ano ang ibig sabihin ng Pangulo sa kaniyang naging pahayag, sinabi nitong nagbibiro lamang siya sa kaniyang talumpati. Ito ay upang iwasang maging boring ang pakikinig ng audience.
Kilala si Pangulong Duterte sa kaniyang mga kontrobersyal na pahayag at mga pagbibiro.
Subalit aniya, wala sa kaniyang makakapigil o makakapilit sa kaniyang baguhin ang istilo ng kaniyang pananalita.
( Rosalie Coz / UNTV Correspondent )
Tags: Asean, marijuana, Pangulong Duterte
