Halos tatlong oras na nagpalutang-lutang sa gitna ng dagat ang makakaibigan na sina Sam Andrei 12 anyos, Joel 15 anyos at Jade 13 anyos nang tangayin ng malalalking alon sa kasagsagan ng bagyong Lando kahapon.
Ayon sa isa sa mga biktima nagkayayaan silang magkakaibigan na maligo sa Manila Bay na sakop ng Baseco sa Maynila, subalit dahil sa lakas ng alon, tinangay ang tatlo sa gitna ng dagat.
Dinala ang mga bata sa likurang bahagi ng Luneta Grand Stand at isang empleyado ng Manila Ocean Park ang nakakita sa mga bata na palutang-lutang sa dagat.
Agad na humingi ng tulong sa mga pulis ang mga tauhan ng parke at nasagip ang mga bata.
Ayon sa mga magulang ng mga bata, hindi nagpaalam ang mga biktima na maliligo sa dagat at ngayon lang ginawa ng magkakaibigan na maligo kahit na alam nilang may bagyo.
Nangako sina tatay Nelvin at nanay Marilou na mas babantayan ang kani-kanilang mga anak upang huwag nang maulit ang insidente.
(Benidect Galazan / UNTV News Correspondent)
Tags: bagyo, bagyong Lando, manila bay
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
METRO MANILA – Tinatayang 8-10 bagyo pa ang papasok sa bansa bago matapos ang taong ito ayon sa Philippine Atmospheric Geophysical Astronomical Services Administration (PAGASA).
Higit-kumulang 20 bagyo ang pumapasok sa Philippine Area of Responsibility (PAR) kada taon.
Ang bagyo ay nagdudulot ng malakas at tuloy-tuloy na pag-ulan na magresulta ng pagbaha.
Maaari nitong mapinsala ang mga panamim, isktraktura at makontamina ang mga inuming tubig.
Gumuho ang lupa o magkaroon ng landslide, pag-agos ng putik at storm surge na magdudulot ng matataas at malakakas na alon lalo na sa mga malapit sa dagat.
Kaya naman, paalala palagi ng mga otoridad na maiging maghanda kapag may kalamidad tulad ng bagyo.
Bago dumating ang isang bagyo, dapat palaging imonitor ang balita hinggil sa ulat panahon at mga anunsyong pangkaligtasan.
Alamin ang plano ng komunidad sa pagbibigay babala kaugnay sa paglikas o evacuation.
Suriin din ang bahay at kumpunihin ito lalo na ang mahina o sirang bahagi.
Ihanda ang GO bag na kailangan ng pamilya para sa survival. Laman nito ang pagkain na hindi madaling masira tulad ng biscuits, cookies, inuming tubig, first aid kits gaya ng band aid, gauze at iba pa.
Ilikas din sa ligtas na lugar ang mga alagang hayop. Kapag may abiso mula sa mga otoridad, mabilis na lumikas sa itinakdang evacuation centers.
Pagdating ng bagyo, manatiling kalmado, huwag na umalis ng bahay o evacuation center at makinig ng mga bagong ulat panahon. Patayin din ang main switch ng kuryente at valve ng tubig.
Gumamit ng flashlight o emergency lamp at magingat sa paggamit ng kandila o gasera. Lumayo o umiwas sa mga salaming bintana o pinto para makaiwas sa injury kapag nabasag.
Samantala, pagkatapos naman ng bagyo, maghintay ng abiso mula sa mga otoridad kung pwede nang bumalik sa tahanan. Umiwas sa mga natumbang puno, nasirang gusali at linya ng kuryente.
Huwag gumala upang hindi makaabala sa mga ginagawang emergency services o humanitarian operations. Mag-ingat sa pagsasaayos ng mga nasirang bahagi ng bahay.
Tiyakin din na walang basa o nakababad na outlet o kagamitan bago buksan ang linya ng kuryente.
At dapat itapon din ang mga naipong tubig sa mga lata, paso, gulong at iba pa para naman maiwasan na ito ay pamahayan ng lamok na sanhi ng sakit. Sa panahon ng sakuna, maging laging handa para maging ligtas, makaiwas sa malaking pinsala at hindi masaktan.
(Dante Amento | UNTV News)
METRO MANILA – Binigyang-diin ng Department of Environment and Natural Resources (DENR) na prayoridad nilang mapataas ang kalidad ng tubig sa Manila Bay bago muling buksan ang Dolomite Beach sa Roxas Boulevard, Manila.
Ayon kay DENR Undersecretary for Policy, Planning and International Affairs Jonas Leones, target ng ahensya na malinis ng mabuti ang tubig sa Manila Bay upang posible at ligtas na mapagliguan ng publiko sa hinaharap bukod sa pagbisita sa Dolomite Beach.
Dagdag ni Leones, pangungunahan ng Manila Bay Task Force (MBTF) ang pagsasaayos ng drainage system sa Manila Baywalk kung saan plano nilang ilihis ang mga wastewater na nanggagaling sa mga kabahayan at pabrika papunta sa naturang drainage system habang floodwater naman ang padadaluyin gamit ang 400 meters long na HDPE (high density polyethylene) mula sa sea wall.
Kasabay din nito ay ang pagsasaayos ng parte ng Dolomite Beach Rock Garden na may mataas na fecal coliform level ayon sa kanilang Environmental Management Bureau-National Capital Region (EMB-NCR).
As of October 25, aabot na sa 22,000 mpn per 100 milliliters (MPN/100ml) ang coliform level sa Dolomite Beach habang 100 MPN/100 ml ang standard level para madeklara itong ligtas na pagliguan.
Ito ay di hamak na mas malaking pagbabago kumpara sa millions o billions na coliform level bago ang rehabilitasyon ng Manila Bay.
Inanunsyo din ng kalihim na mananatiling sarado sa publiko ang Manila Baywalk Dolomite Beach dahil sa nakatakdang pagsisimula ng Phase 2 rehabilitation nito. Maaari namang mabisita ang labas na parte ng beach sa ilalim ng mga tuntuning ilalabas ng MBTF upang maiwasan ang overcrowding.
Ilan pa sa mga plano para sa Phase 2 rehabilitation ng Dolomite project ay ang paglalagay ng beach and fishing area malapit sa Manila Yacht Club bilang palaruan at paliguan sa mga kabataan at ang pagtatayo ng dalawang solar-powered comfort rooms, mandamus office, souvenir hub at mga pailaw sa kahabaan ng Manila Baywalk na planong makumpleto lahat ngayong taon.
(Rachel Reanzares | La Verdad Correspondent)
Tags: DENR, manila bay
