250 thousand metric tons na bigas, planong angkatin ng National Food Authority

by Radyo La Verdad | January 11, 2018 (Thursday) | 3449

Napuruhan ang imbak na bigas ng National Food Authority matapos manalasa sa bansa ang mga bagyong Urduja, Vinta at Agaton.

Ayon sa NFA, kailangan na nila ng dagdag na supply kaya’t nag-request na sila ng 250 libong metriko tonelada ng bigas.

Ayon kay NFA Spokesperson Rebecca Olarte, limitado na lamang ang natitira nilang stock ngayon. Hindi makabili sa lokal na mga magsasaka ang NFA dahil mas mataas sa 17 pesos kada kilo ng palay ang bili sa mga pribadong dealer. Hinihintay na lamang ng NFA ang pasya ng National Food Council kung papayagan ang pag-aangkat.

Ayon sa NFA, para sa 90 araw pa ang kabuoang stock ng bigas ng buong bansa at karamihan dito ay hawak ng pribadong sektor.

Sa Kamuning Market ay tumaas na ng 10-30 piso ang presyo ng kada sako ng nakukuhang bigas ng mga dealer. Iniuugnay nila ito sa pagtaas ng presyo ng mga produktong petrolyo at iba pang gastusin sa pagbibyahe maging sa umano’y pagkaunti ng supply ng bigas.

Nais namang pag-aralan ng Department of Agriculture kung tama ba ang ginagamit na basehan para masabing sapat na ang supply ng bigas sa bansa.

Ayon kay Agriculture Sec. Manny Piñol, dapat ay alisin na ang bilang ng mga OFW dahil hindi naman na sila kasama sa mga kumukunsumo ng bigas sa bansa.

 

( Rey Pelayo / UNTV Correspondent )

 

Tags: , ,

P39/kg na bigas mabibili sa Kadiwa ng Pangulo stores sa Metro Manila

by Radyo La Verdad | April 17, 2024 (Wednesday) | 108624

METRO MANILA – Inanunsyo ng Malacañang kahapon (April 16) na maaari ng makabili ang mga residente ng Metro Manila ng P39/kg. na bigas sa mga Kadiwa ng Pangulo (KNP) stores sa mga piling syudad sa National Capital Region (NCR).

Ayon kay Presidential Communications Secretary Cheloy Gerafil, hindi lang murang bigas ang mabibili sa KNP stores, mayroon ding mga prutas at gulay.

Ngayong araw (April 17), bukas ang KNP stalls sa employees park sa Taguig City hall, people’s park along McArthur highway sa Malinta, Valenzuela City; at Manila City hall inner court.

Maaari namang bisitahin ang official Facebook page ng Department of Agriculture (DA) para sa iba pang schedule at venue ng KNP stores.

Tags: , ,

Price ceiling sa bigas, binawi na ni Pang. Ferdinand Marcos Jr.

by Radyo La Verdad | October 5, 2023 (Thursday) | 19263

METRO MANILA – Binawi na ni Pangulong Ferdinand Marcos Jr. ang itinakdang price ceiling sa bigas.

Ayon sa pangulo, napapanahon na para alisin ito dahil sapat na ang supply ng bigas sa bansa at inaasahang madaragdagan pa ito bunsod na rin ng harvest season.

Tiniyak naman ng pangulo na magpapatuloy ang tulong ng pamahalaan sa mga mahihirap na pamilya at sa mga magsasaka.

“Well I think it’s appropriate time since namimigay tayo ng mga bigas yes as of today we are lifting the price caps on the rice, both for regular milled for well milled, so tinatanggal na natin ang control” ani Pres. Ferdinand Marcos Jr.

Tags: ,

Dami ng inangkat ng bigas ngayong taon, nakatulong sa presyo at supply – DA

by Radyo La Verdad | December 21, 2022 (Wednesday) | 13322

METRO MANILA – Nakatulong ang Rice Tariffication Law (RTL) para sa Department of Agriculture (DA) sa pagkakaroon ngayon ng sapat na supply ng bigas sa bansa.

Noong 2019 ay inumpisahang ipatupad ang RTL na nagpaluwag sa pag-aangkat ng bigas sa bansa.

Ngayong taon ay naitala ang pinakamaraming naangkat na bigas sa kasaysayan ng bansa na lumampas sa 3.5 Million metric tons.

Pero tiniyak ng DA na babalansehin nila ang importasyon at ang lokal na produksyon.

Una ng sinabi ng mga grupo ng mga magsasaka na malaki ang nalulugi sa mga magsasaka dahil sa pagpasok ng mga imported rice.

Ayon naman kay DA Senior Usec Domingo Panganiban, sa unang bahagi ng 2023 ay maghihinayhinay muna ang kagawaran sa pagbibigay ng import permit.

Target ng DA na mabapapa ang gastos sa lokal na produksyon at maparami ang ani ng mga magsasaka.

Sa ganitong paraan anila ay posibleng bumaba pa sa P28 ang kada kilo ng bigas na halos ka-presyo ng bigas na ibinebenta dati ng National Food Authority (NFA) sa mga palengke.

Naglaan din ng mas malaking pondo sa 2023 ang administrasyon para sa mga programa sa agrikultura.

(Rey Pelayo | UNTV News)

Tags: , ,

More News