Tatlongdaang libong piso ang inilaang pabuya para sa makapagtuturo sa kinaroroonan ng pumaslang sa local campaign manager na si Mario Rivera.

Nasawi si Rivera matapos pagbabarilin sa harap ng isang mall sa Sto.Tomas, Batangas noong Abril a-23.

Sa imbestigasyon ng mga otoridad, isa ang pulitika sa mga tinitingnang anggulo lalo’t siya ang campaign manager ng isang kumakandidatong mayor ng Sto.Tomas at siya rin ang namuno sa kampanya noon ni incumbent Mayor Edna Sanchez.

Ngunit paglilinaw ng pulisya, hindi pa nila ito itinuturing na election-related incident.

Sinabi rin ni Supt.Nunez na mayroon na silang lead sa posibleng kinaroroonan ng suspek.

Nagpasalamat naman ang biyuda ni Rivera sa mga nagbigay ng reward money at umaasang mabibigyan ng katarungan ang sinapit ng kanyang asawa.

(Vincent Octavio / UNTV Correspondent)

Tags: 000 pabuya, Batangas, isang campaign manager, P300