2 patay sa pananalasa ng malakas na tornado sa Oklahoma

by Radyo La Verdad | May 11, 2016 (Wednesday) | 1341

Oklahoma(REUTERS)

Dalawa ang nasawi sa pananalasa ng tornado sa Oklahoma.

Nagmula ang tornado sa timog na bahagi ng nasabing Oklahoma at tumama sa Elmore City, sa Rural Garvin County.

Ayon sa sheriff ng Garvin County, kabilang sa nasawi ang isang 76-anyos na lalaki.

Ang isa pang namatay ay sa kalapit na bayan ng Connerville.

Winasak rin ng tornado ang mga bubong ng ilang tahanan at nilipad ng malakas na hangin ang mga bus.

Naglabas na ng tornado watch ang National Weather Service sa malaking bahagi ng Southern Oklahoma hanggang Western Arkansas.