Nirespondehan ng UNTV News and Rescue Team ang motorcycle accident kaninang alas dos ng madaling araw ang dalawang lalaki na nasugatan matapos sumadsad ang sinasakyan nilang motorsiklo habang binabaybay ang kahabaan ng Barangay Liwanag, Loakan, Baguio City.

Kinilala ang mga biktima na sina John Villamil at si Mike na kapwa 29-anyos at residente ng Lower Liwanag Loakan, Baguio City.

Nagtamo ng galos at sugat sa ibat ibang parte ng katawan sina John at Mike na agad nilapatan ng paunang lunas ng rescue team.

Ayon sa biktima, pauwi na umano ang sila galing sa isang bar nang nawalan umano ng control at balanse ang motorsiklo.

Natukoy na nakainom ang dalawa dahilan upang sumadsad ang mga ito.

(Grace Doctolero / UNTV Correspondent)

Tags: 2 lalake, Baguio City, motorcycle accident, UNTV News and Rescue Team