Balik-kulungan na ang apat na presong tumakas sa Mataas na Kahoy Police Station noong Biyernes ng madaling araw.
Ayon kay Police Inspector Daniel Dela Cruz, hepe ng Mataas na Kahoy Police, sumuko ang mga ito sa pulisya sa tulong na rin ng panghihikayat ng kanilang mga kaanak
Kinilala ang mga puganteng sumuko na sina Nikko Malaluan, Erwin Kalalo, Marjun Villaluz, , Roy Gonzales at isang menor de edad na naka-ditene sa presinto.
Sa ngayon ay nasa pangangalaga na ng DSWD ang menor de edad.
Lalo namang hinigpitan ng pulisya ang pagbabantay sa kulungan matapos ang insidente.
(Vincent Octavio / UNTV Correspondent)
Tags: balik-kulungan na, Batangas, Mataas na Kahoy Police Station, mga preso, pamilya
