Pangunahing suspek ng Armed Forces of the Philippines ang Bangsamoro Islamic Freedom Fighters o BIFF sa naganap na pagsabog sa Tacurong City kahapon.
Tatlo ang nasugatan sa pagsabog sa Jose Abad Santos Street, Barangay Poblacion sa Tacurong City, Sultan Kudarat alas dos ng hapon kahapon.
Lumabas sa imbestigasyon na inilagay ang improvised bomb sa bumper ng kotseng nakaparada sa isang bakanteng lote.
Ayon sa ulat ilang oras pa lamang nakaka-alis si Camarines Sur Third District Congresswoman Leni Robredo sa Tacurong City ng mangyari ang pagsabog.
Samantala, isang explosive device rin ang natagpuan ng mga otoridad sa Park Yellow Bell, Tacurong City kaninang alas-dos naman ng hapon.
Kaagad namang na-defuse ang bomba ng mga tauhan ng Philippine Army.
(Rosalie Coz / UNTV Correspondent)
Tags: BIFF, Tacurong City
