Naaresto na ng Batangas Police ang ikatlo sa mga preso na tumakas noong Sabado ng madaling araw sa BJMP Detention Center sa Baragay 4, Balayan Batangas.
Sabado ng gabi nang mahuli ang tumakas na bilanggo na si Jessie Alegre, 29 anyos matapos malaman na nagtatago sa bahay ng kaibigan sa Nasugbu Batangas.
Una nang sumuko ang isa sa mga preso na si Marvin Mendoza habang napatay naman sa follow up operation si Ajie Mendoza Dellero, disi nueve anyos.
Si Dellero ang nakapatay sa jail warden matapos nitong mang-agaw ng baril habang ang isa pang rumespondeng pulis ay nasa kritikal pa ring kondisyon.
(Vincent Octavio / UNTV Correspondent)
