Pagpupugay at pagpupuri ang naging sentro ng ginawang pagtitipon ng mga kasamahan at kaklase ng mga nasawing SAF Commando kagabi.
Isinagawa ito sa 5th Special Action Batallion headquaters dito sa Zamboanga City na pinaggalingan ng tatlumput lima sa 44 na nasawi na kabilang sa 55th SAC o blocking force.
Sa simula ay nagkaroon muna ng pag-aalay ng bulaklak para sa SAF 44 at twenty one gun salute.
Pagkatapos nito, ay binigyan ng pagkakataon na makapagsalita ang ilan sa mga kaklase at kasamahan ng nasawing SAF troopers.
Dito inaalala ng kanilang mga kabaro ang ilang magagandang pinagsamahan habang tumutupad sila ng kanilang tungkulin.
Mula pa sa pag-aaral sa pnpa hanggang sa mapasok ng SAF ay itinuring na umano nilang kapatid ang isa’t isa.
Kabilang na dito ang kamag-aral ni Police Senior Inspector Gednat Tabdi na pumutol sa daliri ni Marwan at isa sa pinarangalan ng medal of valor.
Hindi anila makakalimutan ang nangyari sa mga kasamahan.
Ngunit sa kabila ng nangyari, malaki umano ang natutunan ng mga SAF troopers sa Mamasapano incident.
Tiniyak ng mga ito na mas lalo pang pag-ibayuhin ang paglilingkod sa bayan at pangangalaga sa mga mamamayan.
Hiling din ng mga ito na huwag sanang makalimutan ng mga tao ang kabayanihan ng Gallant 44.
Ipinagmalaki ng mga ito na maging bahagi sila ng SAF Commando na itinuring na tagaligtas.
(Dante Amento / UNTV Correspondent)
Tags: kaklase, Maguindanao, Mamasapano, Mga kasamahan, SAF 44
Sugatan ang 8 indibidwal sa nangyaring pagsabog habang naglalaro ng volleyball sa Datu Piang Town Center, Maguindanao nitong Sabado (September 18).
Agad na isinugod sa Abpi-Samama Clinic and Hospital ang mga biktima upang malapatan ng lunas.
Ayon kay Datu Piang Mayor Victor Samama, nangyari ang insidente dakong alas-3 ng hapon.
Samantala, iniutos ni Philippine National Police (PNP) Chief Police Gen. Guillermo Eleazar sa Police Regional Office Bangsamoro Autonomous Region (PRO BAR) na magsagawa ng masusing imbestigasyon upang matukoy ang suspek sa nangyaring pagpapasabog.
(Kyle Nowel Ballad | La Verdad Correspondent)
Tags: Datu Piang, Maguindanao, pagsabog
Mula Davao City ay lumuwas pa ng Maynila si Nanay Juliet upang gunitain ang pagkamatay ng kaniyang anak na si Jolito, isa sa mga editor ng UNTV Gensan na nasawi sa Maguindanao massacre.
At sa pag-ikot ni Nanay Juliet sa National Museum of Anthropology upang balikan ang kasaysayan ng bansa, hindi niya maiwasang balikan din ang ala-ala sa huling araw na nakita niya ang kaniyang anak.
Ngunit kinaumagahan, nagulat na lamang siya nang mabalitaang isa ang kaniyang anak sa 58 indibidwal na naging biktima ng pagpatay sa Maguindanao.
Kasama si Jolito sa mediamen na nagconvoy sa filing ng certificate of candidacy (COC) ng noo’y tumatakbong gobernador ng lalawigan na si Esmael “Toto” Mangudadatu.
Ayon sa abogado ng mga biktima na si Atty. Gilbert Andres, nakapagsumite na ng formal offer of evidence ang pangunahing akusado sa mga kaso na si Andal Ampatuan Jr.
Nakapaghain na rin ng oposisyon dito ang prosekusyon at hinihintay na lamang magiging desisyon ng Quezon City Regional Trial Court Branch 221.
Ngunit tila mailap pa rin umano ang hustisya dahil higit 70 pa sa 198 akusado ang hanggang sa ngayon ay nakalalaya pa rin. Umaasa rin ang Department of Justice na madedesisyonan na ang kaso sa susunod na taon.
Samantala, tiniyak naman ng Malacañang na mananaig pa rin ang hustisya at ang rule of law para sa mga biktima ng Maguindanao massacre.
Iginiit din ng Duterte administration na ginagawa ng pamahalaan ang lahat upang mapabilis ang desisyon sa mga kaso.
Tapos na ang paglilitis ng Quezon City RTC sa mga kaso, pero wala pang itinakdang araw si Judge Jocelyn Solis-Reyes para sa pagbasa ng magiging sentensiya sa mga akusado.
Patuloy namang umaasa si Nanay Juliet na makakamit din nila ang hustisya.
Ganito rin ang dasal ni Erlyn Umpad, asawa ng nasawing cameraman ng UNTV na si Macmac Arriola.
“Habang buhay pa ako, ako ang makikipaglaban para makamtan namin iyong hustisya kasi gaano kahirap na mawalan ng ama, tapos makita mo iyong anak na lumalaki“. – pahayag ni Erlyn Umpad
( Mai Bermudez / UNTV Correspondent )
Tags: Maguindanao, Maguindanao Massacre, UNTV
Dalawampu’t walo na ang nasawi habang labing-isa ang sugatan sa patuloy na sagupaan ng militar at Bangsamoro Islamic Freedom Fighters (BIFF) sa Maguindanao at North Cotabato.
26 sa mga napatay ay BIFF members, isang sibilyan at isang sundalo na kinilalang si Pfc. Gary Quitor. Sugatan naman ang walong miyembro pa ng BIFF at tatlong sibilyan.
Ayon kay LTC Gerry Besana, ang tagapagsalita ng Western Mindanao Command (Westmincom), desperado na ang mga kalaban kaya pati sibilyan ay dinadamay ng mga ito sa labanan.
Mula noong Linggo ay nagkaroon na ng limang engkwentro ang mga sundalo at rebeldeng grupo.
Dalawang engkwentro ang nangyari bandang alas otso noong Lunes ng gabi at ang pinakahuli ay kahapon ng alas kwatro ng madaling araw sa Midsayap, North Cotabato na ikinasawi ng 2 dalawang BIFF.
Sinisikap na ng AFP na huwag umabot ang labanan sa ibang mga lugar para maiwasan ang collateral damage.
Samantala, dinipensahan naman ni 33rd Infantry Batallion Commander Lt. Col. Harold Cabunoc na nasa civillian community ang kanilang operasyon at isinagawang airstrikes.
Hindi naman tiyak ng AFP kung kailan matatapos ang labanan samantalang tuloy naman ang ginagawang clearing operations sa mga lugar ng bakbakan.
( Dante Amento / UNTV Correspondent )
Tags: AFP, BIFF, Maguindanao
