Aabot sa isang daan at limampu ang nasawi at nasa dalawang daan naman ang sugatan sa magkakasunod na pagsabog sa Jableh at Tartous sa Syria.
Inako ng Islamic state ang reponsibilidad sa pag-atake na ang target ay ang mga miyembro ni President Bashar Al-Assad na Alawite Minority.
Sinabi ng Britain-based Syrian Observatory for Human Rights, isang daan at apatnapu’t walo ang namatay sa dalawang bomba na inilagay sa isang kotse.
Naganap ang isa sa apat na pagsabog sa Jableh sa isang istasyon ng bus at isa rin sa isang ospital.
Nagpaabot na ng pakikiramay ang kaalyado ng Syria na si Russian President Vladimir Putin at nangako ng tulong sa paglaban sa mga terorista.
Tags: 150 patay, serye ng pagsabog, Syria
